ԿԱՐԵՎՈՐ․ Ի՞նչու է Էրդողանը մոտեցել Ռուսաստանի սահմաններին․ Ի՞նչ կապ ունի Արցախի հարցը․

Դեկտեմբերի 8-ին հերթական հեռախոսազրույցն է տեղի ունեցել Ռուսաստանի և Թուրքիայի արտաքին գործերի նախարարների հետ, որի ընթացքում քննարկվել է ոչ միայն Արցախի հարցը, այլ նաև Ուկրաինայի թեման: Այդ հանգամանքը արժանի է ուշադրության, քանի որ Թուրքիան մինչ այժմ կարծես թե չի եղել ուկրաինական թեմատիկայում, իսկ այժմ փաստորեն Ռուսաստանն այդ թեման քննարկում է Թուրքիայի հետ: Լավրով-Չավուշօղլու հեռախոսազրույցը ուշադրության արժանի է, իհարկե ոչ միայն այդ տեսանկյունից:
Նախ, հետաքրքիր է, որ Թուրքիայի արտգործնախարարի և Լավրովի հեռախոսազրույցը տեղի է ունենում Հայաստանի արտգործնախարար Այվազյանի Փարիզ կատարած աշխատանքային այցին զուգահեռ, որն իր հերթին տեղի ունեցավ Այվազյանի Մոսկվա այցից անմիջապես հետո: Հայտնի է նաև, որ Ֆրանսիան արցախյան հարցում բարձրաձայնում է խնդիրներ, որոնք մեղմ ասած չեն բխում Ադրբեջանի և Թուրքիայի շահից և նոյեմբերի 9-ի եռակողմ փաստաթղթի տրամաբանությունից՝ կարգավիճակ, Շուշի, Հադրութ, անգամ Լաչինի հարց: Անկարային ըստ ամենայնի հետաքրքրում է այն, թե արդյո՞ք Մոսկվան չի փորձի խաղալ երկակի խաղ, աշխատելով Ֆրանսիայի հետ: Ռուսաստանը արցախյան ուղղությամբ ձևավորել է իր համար ռազմավարական մի ստատուս-քվո, որը թույլ է տալիս բացել մի շարք հեռանկարներ:
Ֆրանսիան գործնականում բարձրացնում է հարցեր, որոնք առերևույթ հակադիր են այդ ստատուս-քվոյի տրամաբանությանը, սակայն խորքային առումով այդ հարցադրումները կարող են դառնալ այդ հեռանկարների ուղղությամբ աշխատանքային նախադրյալներ: Այդ իմաստով, Թուրքիան տեսնում է թերևս խնդիր, որ Ռուսաստանը ձևավորելով ռազմական ենթակառուցվածքները Արցախում, կարող է անցնել երկակի խաղի, օգտվելով Ֆրանսիայի հարցադրումներից: Փարիզն իր հերթին թերևս ունի հենց այդ ակնկալիքն ու հաշվարկը, նաև Թուրքիայի հետ իր խնդիրների համատեքստում: Ահա այդ իրավիճակում, Անկարան դեռևս Արցախի դեմ պատերազմին զուգահեռ փորձում էր մխրճվել Ուկրաինա:

Նյութի աղբյուր՝ 1in.am

#lurerhayastanic #arcax #erdoxanputin #verjinlurer

Видео ԿԱՐԵՎՈՐ․ Ի՞նչու է Էրդողանը մոտեցել Ռուսաստանի սահմաններին․ Ի՞նչ կապ ունի Արցախի հարցը․ канала Banber News