dasht mein pyas bujhate hue mar jate hain | Abbas Tabish

دشت میں پیاس بجھاتے ہوئے مر جاتے ہیں
ہم پرندے کہیں جاتے ہوئے مر جاتے ہیں

ہم ہیں سوکھے ہوئے تالاب پہ بیٹھے ہوئے ہنس
جو تعلق کو نبھاتے ہوئے مر جاتے ہیں

گھر پہنچتا ہے کوئی اور ہمارے جیسا
ہم ترے شہر سے جاتے ہوئے مر جاتے ہیں

کس طرح لوگ چلے جاتے ہیں اٹھ کر چپ چاپ
ہم تو یہ دھیان میں لاتے ہوئے مر جاتے ہیں

ان کے بھی قتل کا الزام ہمارے سر ہے
جو ہمیں زہر پلاتے ہوئے مر جاتے ہیں

یہ محبت کی کہانی نہیں مرتی لیکن
لوگ کردار نبھاتے ہوئے مر جاتے ہیں

ہم ہیں وہ ٹوٹی ہوئی کشتیوں والے تابشؔ
جو کناروں کو ملاتے ہوئے مر جاتے ہیں

dasht mein pyas bujhate hue mar jate hain
hum parinde kahin jate hue mar jate hain

hum hain sukhe hue talab pe baiThe hue hans
jo talluq ko nibhate hue mar jate hain

ghar pahunchta hai koi aur hamare jaisa
hum tere shahr se jate hue mar jate hain

kis tarah log chale jate hain uTh kar chup-chap
hum to ye dhyan mein late hue mar jate hain

un ke bhi qatl ka ilzam hamare sar hai
jo hamein zahr pilate hue mar jate hain

ye mohabbat ki kahani nahin marti lekin
log kirdar nibhate hue mar jate hain

hum hain wo TuTi hui kashtiyon wale 'tabish'
jo kinaron ko milate hue mar jate hain
#SKMarwat #AbbasTabish #SadPoetry

Видео dasht mein pyas bujhate hue mar jate hain | Abbas Tabish канала SK Marwat