Yekun Xəbərlər 05.10.2020 (Təcili Xəbər)

Ekologiya və Təbii Sərvətlər Nazirliyi oktyabrın 6-da gözlənilən hava şəraitini açıqlayıb.

Nazirlikdən yenisabah.az-a verilən məlumata görə, oktyabrın 6-da Bakıda və Abşeron yarımadasında havanın dəyişkən buludlu olacağı, arabir tutulacağı, günün birinci yarısında yarımadanın bəzi yerlərində yağış yağacağı ehtimal olunur. Mülayim şimal-şərq küləyi əsəcək.

Havanın temperaturu Abşeron yarımadasında gecə 14-17, gündüz 21-23, Bakıda gecə 14-16, gündüz 21-23 dərəcə isti olacaq. Atmosfer təzyiqi normadan yüksək 771 mm civə sütunu təşkil edəcək, nisbi rütubət 65-75 faiz olacaq.Cəbhədə şiddətli döyüşlər davam edir. 

Bu barədə "Report"un cəbhə bölgəsinə ezam olunmuş əməkdaşı xəbər verir. 

Ermənistan silahlı qüvvələri qəsdən və hədəflənmiş şəkildə Tərtər şəhərini və ətraf kəndləri yenidən artilleriya atəşinə tutur. 

Düşmən yenidən rayonun dinc sakinlərini hədəf alıb.

Oktyabrın 4-ü gecə saatlarında ermənilərin növbəti dəfə atdığı top mərmilərindən biri şəhərin mərkəzinə düşüb. Nəticədə şəhər sakinləri - 1981-ci il təvəllüdlü Taleh Novruzov və 1993-cü il təvəllüdlü Süleymanov Davud Elxan oğlu yaralanıb. Həmin şəxslər xəstəxanaya çatdırılıb. Oktyabrın 5-də səhər saatlarında Azərbaycan Hava Hücumundan Müdafiə Qüvvələrinin Radiolokasiya sistemlərinin texniki vasitələri Ermənistanın Cermuk,   Qafan və Berd rayonları ərazisində yerləşən start mövqelərindən Azərbaycan ərazisinə atılan raket buraxılışını qeydə alıb.

Müdafiə Nazirliyindən “Yeni Sabah”a daxil olan xəbərə görə, bütün cəbhə boyu sıxışdırılan düşmən artıq bir neçə gündür ki, Ermənistan ərazisindən Azərbaycan ərazisində əhalinin kompakt yaşadığı məntəqələrə, mülki infrastruktura sistematik raket zərbələri endirir.

Eyni zamanda Ermənistanın müdafiə nazirliyi Azərbaycan ərazisinin Ermənistandan atəşə tutulması faktını inkar edir və bunun işğal olunmuş ərazilərimizdən həyata keçirildiyini bildirir.Məşhur erməni bloger Tiqran Köçəryan Ermənistanın baş naziri Nikol Paşinyanı Gəncəni vurmaq əmrini verməkdə ittiham edib.

Yenisabah.az xəbər verir ki, bloger özünün http://pigh.tv/?p=13 səhifəsində yerləşdirdiyi çağırışda N.Paşinyanı kəskin təngid edərək, onu, faktiki olaraq Ermənistanın Dağlıq Qarabağ savaşında uduzmasında ittiham edib.

O, Rusiyanın artıq Ermənistanı dəstəkləmədiyini bildirərək, Paşinyan hökumətinin Stepanakertdə (red: Xankəndi) rus hərbiçilərinin olması barədə yalan şayiələr yaydığını iddia edib.

Tiqran Köçəryan öz mənbələri vasitəsilə bu şayiələrin yalan olduğunu təsdiqləyib.Azərbaycan Respublikasının işğal olunmuş Qarabağ bölgəsində yaradılmış quldur rejimin qondarma başçısı Araik Arutunyan 4 oktyabr tarixində “Facebook” sosial şəbəkəsində Gəncənin mülki əhalisinin sıx yaşadığı məntəqələrin ağır artilleriyadan atəşə tutulması barədə göstəriş verdiyini açıqlayıb. Bununla bağlı Araik Arutyunyan barəsində cinayət işi açılıb.

Yenisabah.az-ın müxbirinin məlumatına görə, bunu Azərbaycan Respublikasının Baş prokurorluğunun mətbuat katibi Günay Səlimzadə bu gün keçirilən brifinqdə deyib.

O bildirib ki, bununla bağlı Araik Arutunyan barədə cinayət işi açılıb:“Özümü çox xoşbəxt hiss edirəm ki, xalqımız yumruq kimi bir olub. Uzun illərdən bəri davam edən ermənilərin qəsbkarlıq siyasətinə qarşı ölüm-dirim mübarizəsindədir. İşğala məruz qalmış Azərbaycanımızın bütövləşməsindən, xalqımızın birliyindən, müasir Azərbaycanın vətənpərvər gənclərinin, ordusunun şanlı qəhəmanlıq tariximizi təzələyib, düşmənə qan uddurmasından qürur duyuram”.

Yenisabah.az xəbər verir ki, bu sözləri “Qafqazinfo”ya Milli Qəhrəman Mübariz İbrahimovun atası Ağakərim İbrahimov torpaqlarımızın işğaldan azad olunması uğrunda ordumuzun həyata keçirdiyi uğurlu əməliyyatlardan danışarkən bildirib.

Видео Yekun Xəbərlər 05.10.2020 (Təcili Xəbər) канала Musa Media