СҰМДЫҚ! АРОН АТАБЕК ӨЛУГЕ АЙНАЛДЫ/БОЛЬНИЦАДА ҚАСТАНДЫҚ ЖАСАДЫ!😱

Баршаларыңызға Ассалаумағалейкум

Арон Атабек жансақтау бөліміне түсті. Иә, қазақтың самурайы өлім мен өмірдің ортасында арпалысып жатыр. Арон Атабектің дәл қазіргі жағдайы туралы не білеміз?! Аронды мерзімінен бұрын босатқан биліктің көксегені не? Сәкен Сейфуллин мен Арон Атабек тағдырының қандай ұқсастығы бар? Бұл туралы қорқынышты ақпаратты сізге Көрген дұрыс?
Жуырда түрме жазасы жеңілдетіліп, үйіне жіберілген диссидент ақын Арон Атабек реанимацияға түсті. Бұл жөнінде Арон Атабектің қарындасы Рәзия Нұтышева хабарлады. Оның сөзіне қарағанда, өткен аптаның соңында Арон Атабектің жағдайы нашарлаған. Бұдан соң жедел жәрдем шақыртылып, жеке клиникаға жатқызылған.

– Қазір жағдайы онша емес. Тамақ іше алмайды. Ауруы асқынып жатыр. Әлгінде ауруханадан шыққаннан кейін он күндей үйде емдедік қой. Ол кісі ауруханаға жатудан бас тартқан. Үйде емделгеннен кейін жағдайы тіпті нашарлап кетті. Ол әдетте ештеңеге шағымданбайтын. Өткен жұмада тынысы тарылып жатқанын айтты. Қорқып кеттім. Түрі де онша емес болып тұрды. "Жеке клиникамен келісім жасастым, ауруханаға жатасың ба" деп едім. Ауруы жанына батса керек, "иә" деді. Сүйтіп, жедел жәрдем көлігін шақырдым. Ауруханаға жатқызды, – деді Рәзия Нұтышева Азаттық тілшісіне.

Оның сөзіне қарағанда, АронАтабек қазір жасанды тыныс аппаратымен дем алып жатыр. Ауруханаға келгеннен кейін "жағдайы сәл де болса оңалған". Сонда "есін жиып, өз-өзіне келгеннен кейін қайта үйге барғысы келіп отыр" дейді. Әдетте реанимация бөліміне дәрігерлер ешкімді кіргізбейді. Сол себепті қарындасы бауырының жағдайын дәрігерлер арқылы біліп отырғанын айтты.

Диссиденттің қарындасы Арон Атабектің нақты қай ауруханада жатқанын айтпады. Оның денсаулығына байланысты ақпаратты Азаттық тілшісі өзге дереккөзінен таба алмады.

Биыл 1 қазанда Павлодар соты 2006 жылғы Шаңырақ оқиғасынан кейін 18 жылға сотталған Арон Атабектің қалған жаза мерзімін бостандығын шектеу жазасына ауыстырып, ақынды "денсаулық жағдайына байланысты" түрмеден шығарған.

Арон Атабек бостандыққа шыққан соң Азаттыққа сұхбат беріп, 21 қыркүйекте оқыс құлап, басын жарғанын, содан кейін Павлодар ауруханасында он күн кісендеулі күйі төсекке танылып жатқанын мәлімдеген. Диссидент ақын билік өзіне білдіртпей, Павлодардағы ауруханадан тікелей әуежайға апарып, Алматыға баратын ұшаққа салып жібергенін айтқан.

Бостандыққа шыққаннан кейін туыстары Арон Атабектің халі нашарлап Алматыдағы ауруханаға жеткізілгенін, бірақ оның ауруханаға жатудан бас тартқанын хабарлаған. Ол осыған дейін пробация бақылауында болған кезде тұратын мекені ретінде белгіленген Алматыдағы қарындасының үйінде тұрған еді. Бір кездері болаттай мызғымас берік, қапсағай денелі Аронның бүгінгі жағдайы міне осындай ағайын. Жаман айтпай жақсы жоқ дейді қазақ. Түрмеде ажал құшып масқарамыз шықпасын деген атқамінерлер, неде болса бостандықта туыстарының жанынан демі үзілсін деп құр сүлдерін қалдырып, сүліктей сорып барып бостандыққа бірақ жіберді. Бұл жауыздықты, бұндай қаскөйлікті ұрпақ ешқашанда ұмытпайды. Тәуелсіздіктің ақ таңында, айдың күннің аманында жасалған бұндай репрессияны халық ешқашан да кешірмейді. Кешір Арон аға, опасыз мемлекетің үшін, қорқақ халқың үшін, ез болған ерің үшін. Біз сені дер кезінде құтқара алмадық. Біз сенің батырлығың мен ақындығыңның асқақтығын уақытында бағалай алмадық. Өз қолымыздан өлтіріп алуға шақ тұрмыз. Біз сені жендеттердің қолынан арашалай алмадық Арон Атабек. Кешір бізді! Аронның тағдыры 37 мен 38 де атылған боздақтарымыздың тағдырымен сабақтасып жатыр. Соның ішінде шоқтығы биік Сәкеннің түрмедегі азабы мен Аронның азабы ұқсас екен. Сәкенді итше текпілеп, бордай тоздырған НКВД ның сұмдығын бүгінгі видеомда жариялай кетейін:

Сәкен Сейфуллин: Мен көндім! Қағазға қол қояйын, балаларды алып кетіңдерші, Құдай үшін!

...Сәкеннің НКВД түрмесінде түсірілген мына соңғы суретін көрудің өзі қорқынышты. Асыл азамат қандай адам төзгісіз азаптар көрген десеңізші! Ауыр соққыдан оң жақ көзі ақиланып, бұл кезде көруден қалған да сияқты. Сағы сынған, сақалы өскен. Бір кездері мөлдірей қарайтын бота көздерінде ешқандай өмір қызығының белгісі қалмаған. Сүлесоқ, мән-мағынасыз, үмітсіз күйге түскен қажыған адамның дәрменсіз кейпі бұл.
Адам төзгісіз ауыр азаптаулардың арасында НКВД жендеттері Сәкенді аяқтарынан жоғарыға мал сияқты асып қойып, қазақтың қаршадай балаларына:
- Атаңа нәлет Сейфуллин!
- Халық жауы Сейфуллин!-деп бетіне түкіртіп, мұртын бір талдап жұлдырған деген де дерек бар. Сонда бұл қорлыққа шыдай алмаған асыл азамат:
- Мен көндім! Қағазға қол қояйын, балаларды алып кетіңдерші Құдай үшін!-деп жылапты.
Қор болған қайран Сәкен!

Бағжан Бақберген

Видео СҰМДЫҚ! АРОН АТАБЕК ӨЛУГЕ АЙНАЛДЫ/БОЛЬНИЦАДА ҚАСТАНДЫҚ ЖАСАДЫ!😱 канала KÓRGEN DURYS