Азимжан Аскаров (Uz)

Ўзбек миллатига мансуб инсон ҳуқуқлари ҳимоячиси Азимжон Асқаров Қирғизистоннинг Жалолобод вилоятида жойлашган Бозорқўрғон ноҳиясида милиция томонидан қилинган зўравонликлар ва бошқа инсон ҳуқуқлари бузилиш ҳоллари ҳақида ёзиб борган. 2010-йил ёзда мамлакат жанубида миллий гуруҳлар орасида кенг миқёсда тўқнашувлар юз берди. Тўқнашувлар давомида милиция капитани Миқтибек Сулайманов фожеали ҳалок бўлди. Асқаровга саккизта айблов, шу жумладан милиция ҳодими қотиллигида қатнашиш, оммавий тартибсизликларда иштирок этиш, миллий низо қўзғаш каби айбловлари қўйилди ва унга бир умрлик қамоқ жазоси берилди ҳамда унинг мол-мулки мусодара қилинди. 2011-йил декабрда Қирғизистон Олий Суди айбланувчинг чиқарилган қарор бўйича билдирган апелляциясини рад қилди. Бундан кейин бу иш БМТ инсон ҳуқуқлари комитетига юборилди. Қирғизистон омбудсмени, БМТнинг инсон ҳуқуқлари бўйича олий комиссари Нави Пиллей, қийноқлар бўйича БМТнинг махсус докладчиси Хуан Мендес, АҚШ ташқи ишлар министри Хиллари Клинтон ва бошқалар Асқаровнинг қамалишини ва унга чиқарилган ҳукмни суд жараёнида кузатилган бузилишлар сабаб танқид қилишди.

Видео Азимжан Аскаров (Uz) канала Freedom House KG