ƏRGÜNƏŞ YÜKSƏKLİYİ UĞRUNDA ŞƏHİD OLAN RƏŞAD MEHDİYEV

Rəşad Mehdiyev Vətən müharibəsində həlak olub. Oktyabrın 20-də Ərgünəş yüksəkliyi istiqamətində gedən döyüşlərdə şəhidlik zirvəsinə yüksəlib. Atası Rəhman Mehdiyev oğlunun döyüşlərdə yüksək əhval-ruhiyyədə iştirak etdiyini deyir.

Rəşad Mehdiyev 1997-ci il aprelin 24-də Xırdalanda doğulub. Naxçıvanski adına hərbi liseydə, daha sonra Azərbaycan Texniki Universitetində təhsil alıb. Universitetin SABAH qruplarını fərqlənmə diplomu ilə bitirib. Elektron Hökumətin İnkişafı Mərkəzində proqramçı işləyib. Tərtərdə hərbi xidmət keçib.

Rəşad Mehdiyev Azərbaycan torpaqlarının erməni işğalından azad olunması istiqamətində qəhrəmanlıq göstərib. Döyüş meydanında olan bütün igid oğullar kimi, o da düşməndən qorxmayıb. Atası deyir ki, Rəşad elə uşaq yaşlarından cürətli olub. Mehriban xasiyyəti və dürüstlüyü ilə hər kəsin rəğbətini qazanıb.

İndi yalnız ailəsi və yaxınları deyil, bütün Azərbaycan onunla fəxr edir.

Видео ƏRGÜNƏŞ YÜKSƏKLİYİ UĞRUNDA ŞƏHİD OLAN RƏŞAD MEHDİYEV канала CBC TV Xəbərlər