Azərbaycan futbolunda dava

Supersport.Az-ın məlumatına görə, Azərbaycan Premyer Liqasının 23-cü turunda keçirilən "Neftçi" - "Zirə" oyunu qalmaqalla yadda qalıb. Matç zamanı və bitdikdən sonra hər iki komandanın futbolçuları arasında gərginlik olub.
Meydan sahiblərinin oyunçusu Baqali Dabo və qonaqların üzvü Bəxtiyar Həsənalızadə bir-birilərinə hücum edib. "Neftçi"nin kapitanı Emin Mahmudov da dinc olmayıb.
"Zirə"nin qapıçısı Orxan Sadıqlı görüşün baş hakimi İnqilab Məmmədovun üzərinə gedib və qırmızı vərəqəylə cəzalanıb. Qalmaqalı aradan qaldırmaq üçün meydana polislər və qonaq komandanın baş məşqçisi Samir Abasov daxil olublar. Çox çətinliklə aranı sakitləşdirmək mümkün olub.
"Nefçti" - "Zirə" görüşü meydan sahiblərinin 4:2 hesablı qələbəsi ilə başa çatıb.

Видео Azərbaycan futbolunda dava канала Supersport Azerbaijan