13 erməni diversant ədalət mühakiməsinə çıxarılıb - Baku TV

13 erməni diversant ədalət mühakiməsinə çıxarılıb - Baku TV

Bakı Ağır Cinayətlər Məhkəməsində Ermənistan vətəndaşlarından ibarət terrorçu silahlı birləşmənin tərkibində döyüşən daha 13 nəfərin cinayət işi üzrə məhkəmənin hazırlıq iclası başlayıb.

Hakim Faiq Qəniyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilir.

Xatırladaq ki, ötən il dekabrın 13-də Dövlət Təhlükəsizlik Xidmətinin (DTX) apardığı anti-terror əməliyyatı nəticəsində tərksilah edilən silahlı birləşmənin üzvlərinin ibtidai istintaqı yekunlaşıb.
İstintaqla müəyyən edilib ki, cinayətkar silahlı birləşmənin üzvləri 26-27 noyabr tarixlərində Azərbaycanın dövlət sərhədlərini qanunsuz olaraq mütəşəkkil dəstə halında keçməklə Xocavənd rayonunun Hadrut qəsəbəsində, meşəlikdə, eləcə də digər ərazilərdə döyüş mövqeyi tutmaqla dekabrın 13-dək olan müddət ərzində ölkə ərazisində terror əməlləri törədiblər.

Qeyd edək ki, bundan əvvəl dəstənin 14-ü barəsində də ibtidai istintaq yekunlaşmış və baxılması üçün Bakı Ağır Cinayətlər Məhkəməsinə göndərilmişdi.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео 13 erməni diversant ədalət mühakiməsinə çıxarılıb - Baku TV канала Baku TV