Шындықты Білетін Кез Келді!

Реклама сотрудничество +77072989335

Vk https://vk.com/programs2017

Бәріңізге ассалаумағалейкум
Нағыз қазақтың мінезін сонау 18 ғасырда Қазыбек би бабамыз дәл сипаттап кеткен:
"Біз қазақ деген мал баққан елміз, бірақ ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп, найзаға үкі таққан елміз; ешбір дұшпан басынбаған елміз, басымыздан сөзді асырмаған елміз. Досымызды сақтай білген елміз, дәмі тұзын ақтай білген елміз, асқақтаған хан болса, хан ордасын таптай білген елміз. Атадан ұл туса, құл боламын деп тумайды, анадан қыз туса, күң боламын деп тумайды. Ұл мен қызды қаматып отыра алмайтын елміз...».
Қазіргі заманда жағдай басқа дерсіздер... Әрине, өкінішке орай қазір жағдай мүлдем басқа. Ұлы атамыздың сөзіне терең үңіліп, мағынасын дұрыс түсіне білсеңіз, бұл жоңғар қоңтайшысына қайтарған әдемі жауап қана емес, қазіргі қазақ жұртына айтылып кеткен, білім мен тәрбие, тектілік пен мұсылмандықтың сарқылмас дариясы екенін ұғынасыздар. Қазақ өз тарихымен ешкімнен ұялмайды. Себебі, біз, ешкімді құл қылмадық, жазықсыз қырып жоймадық, отарламадық. Бірақ, хақ жолдан таймаған бабаларымыз, сатқындар мен дұшпандарын аямай жазалаған халық. Бұны да ұмытпайық, бауырлар. Абылай бабамыз айтқандай: Дос болғанға құшақ ашық туыспыз, қас қылғанға қиып түсер қылышпыз.
Жат халықтың жеріне баса көктеп кіріп, халқын қан қақсатқан, ұлдарың кұл, қыздарың қүң қылған отаршылдарды лағынет атсын!!!
Ал олармен күресіп, хақ жолда құрбан болған ұлы батырлар, неге қазір жауыз болып көрсетілуде?! Неге әлемдік киноиндустриядағы ең танымал құбыжық мұсылман батырының атымен аталып кеткен?! Бұл да алпауыттардың жиіркенішті, жасырын саясаты, бауырлар!!! Зұлым, қатығез отаршылдардың қорқынышты түсіне айналған ислам әлемінің хас батыры Зомби және қазіргі заман қанішерлері жайлы сізге білген дұрыс.

16 ғасырдан бастап еуропалық отаршылдар Америка құрлығына экспедициялар жіберіп, өз колонияларын сала бастады. Жергілікті халықты қылышпен кесіп, оқпен атып, қынадай қырды. Бұндай геноцидтан аман қалғандар, еуропалықтар әкелген аурудан мерт болды. Сол себепті, әр түрлі тайпалар мен ұлттар өмір сүрген, тығыз қоныстанған Америка, отаршылдар келген соң, бірнеше 10 жылдықтан кейін миллиондап халқынан айырылды. Ал Солтүстік Американың ұлаң-ғайыр жері, бұл қырғыннан кейін қаңырап бос қалды.
Колонияларға жұмыс күшін, жергілікті халықтан тарту тиімсіз екенін түсінген отаршылдар, солтүстік Африкадан дене бітімі мықты, әрі жұмысқа төзімді адамдарды құл ретінде Америкаға мыңдап әкелді.
Осылай, португалдық, голландық отаршылдардың кемелерімен біздің Зомби батырдың аталары, қазіргі Бразилиядағы Пальмарис өлкесіне өз еріктерінен тыс жеткізілген. Құлдардың көбі плантацияларда ауыр жұмыс істеуден бас тартып, қалың ормандарға мыңдап қашқан. Бұндай құлдарды отаршылдар "орман негрлері" деп атады. Олар еркіндік алған соң, қауымдастықтар құрып, кішігірім ауылдармен өмір сүрді.


Осындай қауымдастың бірінде 1655 жылы Зомби дүниеге келген. Португалдықтар мен голландықтар орманға қашқандарды қайтару үшін жазалаушы жасақтар жіберген. Сондай бір шабуылда кішкене Зомби қолға түсіп, отаршылдар шіркеуіне жіберіледі. Португалдықтар шіркеу қызметшілерімен тәрбиеленсе, Зомби өзінің кім екенін ұмытады деп есептеді. Зомбиға өз тілдерін үйретіп, латынша сауатын ашады. Тіпті шоқындырып, Франциско деген христиандық есім береді. Осы арқылы оны плантацияларда құлдарды басқаратын көмекші еткісі келеді.
Бірақ, Зомби 15 жасында португалдықтардың қолынан қашып шығып, отбасына оралады. Отаршылдар құлдарды қамшымен ұрып, ауыр жұмысқа азаннан кешке дейін салатының туғандарына жеткізеді. Зомбиды алып дене күші, ұшқыр ойы мен білімділігі "орман негрлері" арасында тез танымал етті. Беделді қолбасшыға айналған Зомби, португалдықтарды орман ішінде бірнеше рет талқандады. 1675 жылы 20 жасар Зомби бастаған сарбаздар майор Мануэль Лопес жасағын талқандап, португалдықтарды өкшелей қуады.

Толығырақ Видеода...

Видео Шындықты Білетін Кез Келді! канала BILGEN DURYS