Yekun xəbərlər 18.10.2020 (Təcili Xəbər)

Şanlı ordumuzun zəfər yürüşü işğalçı ölkənin hər mənada dizini yerə qoyması ilə nəticələnməkdədir. Ermənistan rəhbərliyində müşahidə olunan çaşqınlıq, başıpozuqluq və ümidsizliyi şərtləndirən əsas səbəb ordumuzun durmadan irəliləməsilə yanaşı, işğalçının bu savaşı sürdürmək üçün heç bir ciddi potensialının, xüsusilə də insan resursları və iqtisadi gücünün olmamasıdır. 
Bu savaş göstərdi ki, müasir müharibənin həlledici elementi ən yeni texnologiyalar əsasında hazırlanan ağıllı, yüksək dəqiqliyə malik silahlardır. Bu silahlar isə olduqca bahalıdır və onların istehsalı çox az sayda ölkələrdə mövcuddur. Və belə silahları hər hansı bir ölkə Ermənistan kimi cılız, işğalçı dövlətə müftə verməyi heç ağlının ucundan da keçirmir. Bu silahlar 1970-80-ci illərin paslanmış tankları, topları deyil ki, onları kimsə ermənilərə peşkəş etsin. 
“Bu gün baş verənlər Xocalı soyqırımının davamıdır”. “Yeni Sabah” xəbər verir ki, bunu Moderator.az-a açıqlamasında millət vəkili Vahid Əhmədov bildirib. Ermənistanın Azərbaycan xalqına qarşı soyqırım siyasətini davam etdirdiyini bildirən millət vəkilinin sözlərinə görə, Gəncə, Mingəçevir və s. şəhərlərin ballistik raketlərlə atəşə tutulması, işğalçıya bu günün özündə belə hansısa qüvvələr tərəfindən dəstək verildiyini göstərir:
“Gecə saatlarında Ermənistanın növbəti dəfə Gəncəni raket zərbəsinə məruz qoyması nəticəsində 10-dən çox insan həlak olub, xeyli sayda insan isə yaralaıb. Şəhər böyük dağıntıya məruz qalıb. Düşmən mülki sakinlərə qarşı qadağan edilmiş ballistik raketlərdən istifadə edib. Bu, düşmənin xalqımıza qarşı soyqırım siyasətini davam etdirdiyini göstərir. 
Düşmənin alay komandiri məhv edilib.

Erməni KİV-ləri yazır ki, Ermənistanın "Martuni" alayının komandiri, polkovnik Gegam Qabrielyan məhv edilib.
Qeyd edək ki, ötən gün Azərbaycan ordusunun uğurlu hərbi əməliyyatları nəticəsində Ermənistan ordusuna sarsıdıcı zərbələr endirilib. 
Azərbaycan Ordusunun Füzuli istiqamətində uğurlu döyüş əməliyyatları zamanı Ermənistan silahlı qüvvələrinin hərbi hissəsi bölmələrimiz tərəfindən ələ keçirilib.

“Yeni Sabah” xəbər verir ki, bu haqda Müdafiə Nazirliyinin Mətbuat Xidmətindən məlumat verilib.
Düşmən döyüş texnikası, silah-sursat və digər hərbi vasitələri tərk edərək qaçmaq məcburiyyətində qalıb. Cəbhə boyu bütün istiqamətlərdə bölmələrimiz üstünlüyü əldə saxlayır.
Ermənistanın növbəti Su-25 təyyarəsi vurulub.
Müdafiə Nazirliyindən “Yeni Sabah”a daxil olan xəbərə görə, oktyabrın 18-də saat 12.30-da cəbhənin Cəbrayıl istiqamətində Azərbaycan Ordusunun mövqelərinə aviazərbələr endirməyə cəhd göstərən Ermənistan silahlı qüvvələrinin növbəti Su-25 hücum təyyarəsi Azərbaycan Hava Hücumundan Müdafiə bölmələri tərəfindən məhv edilib.
Oktyabrın 19-da gözlənilən hava şəraiti açıqlanıb. 
Milli Hidrometeorologiya Xidmətindən Yenisabah.az-a verilən xəbərə görə, oktyabrın 19-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.  
Mülayim cənub küləyi əsəcək.  Havanın temperaturu Abşeron yarımadasında gecə 15-18, gündüz  22-25, Bakıda gecə 16-18, gündüz 22-24 dərəcə isti olacaq. Atmosfer  təzyiqi norma daxilində 761mm civə sütunu təşkil edəcək, nisbi rütubət gecə 60-70, gündüz  40-45 faiz olacaq.  
Ermənistan daha 40 erməni işğalçının məhv edildiyini açıqlayıb.
Erməni tərəfinin rəsmi məlumatına görə, son sutka ərzində Azərbaycan ordusu daha 40 erməni işğalçısını məhv edib.
Beləliklə, düşmən 673 hərbçi itirdiyini rəsmən etiraf edib. Təbiki düşmən tərəfin itkiləri qat-qat çoxdur.
Ermənistanın “qəhrəman” adlandırdığı polkovnik Rüstəm Qasparyan məhv edilib.

Yenisabah.az xəbər verir ki, bu barədə “Sputnik” Ermənistan məlumat yayıb.
Erməni millət vəkili Naira Zoqrabyanın açıqlamasına görə, Qarabağda gedən döyüşlərdə ağır yaralanan Rüstəm Qasparyan xilas edilə bilməyib.
Xatırladaq ki, Azərbaycan Ordusunun öz torpaqları uğrunda qətiyyətli mübarizəsi şəraitində Birinci Qarabağ Müharibəsində iştirak etmiş keçmiş erməni deputat Rüstəm Qasparyanın oğlu da məhv edilmişdi.
Polkovnik rütbəsi daşıyan Qasparyan Xocalı soyqırımında aktiv iştirak edib.
Bu gün Azərbaycanın dövlət müstəqilliyini bərpa etməsindən 29 il keçir.
Yenisabah.az bildirir ki, Azərbaycan Respublikasının Ali Soveti 1991-ci il oktyabrın 18-də keçirilən iclasında “Azərbaycan Respublikasının Dövlət müstəqilliyi haqqında” Konstitusiya Aktını qəbul edib.
Sənəddə bildirilir ki, Azərbaycan Respublikasının Ali Soveti Azərbaycan Milli Şurasının 1918-ci il mayın 28-də qəbul etdiyi İstiqlal Bəyannaməsinə, Azərbaycan Respublikasının demokratik prinsiplərinin və ənənələrinin varisliyinə əsaslanaraq və “Azərbaycan Respublikasının dövlət müstəqilliyinin bərpası haqqında” Azərbaycan Respublikası Ali Sovetinin 1991-ci il 30 avqust tarixli Bəyannaməsini rəhbər tutaraq bu Konstitusiya Aktını qəbul edir və müstəqil Azərbaycan Respublikasının dövlət quruluşunun, siyasi və iqtisadi quruluşunun əsaslarını təsis edir.

Видео Yekun xəbərlər 18.10.2020 (Təcili Xəbər) канала Musa Media