Ağdamda heyvan oğrusunun seksual cinayəti də üzə çıxdı

Ağdam rayonu ərazisindən oğurlanan heyvanlar Ağcabədi rayonu ərazisindəki şəxsi fermada tapılıb.
Teleqraf.com-un xəbərinə görə, fevralın 8-də səhər saat 06:00–da rayonun Əfətli kənd sakini Əliyev Zahid Novruz oğlu 3 baş iribuynuzlu heyvanının oğurlanması barədə Ağdam rayon Polis Şöbəsinə məlumat verib. Əməliyyat qrupu dərhal axtarışa başlayıb. Axtarış tədbirləri nəticəsində oğurlanmış mal-qara Ağcabədi rayonunun Kürdlər kənd sakini, 1980-cı il təvəllüdlü Şirinov Aydın Əhəd oğlunun Kürdlər kəndinin ərazisindəki fermasında tapılıb. Polis əməkdaşları tövləyə baxış keçirən zamanı məlum olub ki, Əfətli kənd sakini Hüseyinov İlham Cümşüd oğlunun fevralın 5-də oğurlanmış 13 baş qoyunu da Aydın Şirinovun tövləsindədir. Tapılan mal-qara sahiblərinə qaytarılıb. Polis əməkdaşlarının fermaya gəldiyini görən Aydın Şirinov qaçaraq aradan çıxıb. Onun həyat yoldaşı Şirinova Gülnar polis əməkdaşlarına izahatında ərinin oğurluq etdiyini təsdiqləyib. Hər iki fakt üzrə cinayət işi açılıb. Aydın Şirinovun axtarışı davam edir.
Ağdam RPŞ-dən onu da bildiriblər ki, Aydın Şirinov əvvəllər Azərbaycan Respublikasının CM-nin 149.1, 150.1ci maddəsilə (zorlama, seksual xarakterli zorakılıq hərəkətləri etdiyinə görə) məhkum olub.
Xalid Salmanbəyli

Видео Ağdamda heyvan oğrusunun seksual cinayəti də üzə çıxdı канала Teleqraf TV