Hələ də Maxara yeməyənlər üçün

Maxara Azərbaycanın şimal -- qərb bölgəsinə, əsasən Zaqatala - Balakən rayonlarana aid milli mətbəx nümunəsidir. Özünəməxsus dadı ilə yanaşı bişirilmə qaydası ilə də fərqlənən Maxara öz formasına görə günəşə bənzədilir.
Maxaranın sacda bişirilməsi tövsiyə olunur.
Maxaranı bişirmək üçün lazım olan ərzaqlar:
3 yumurta
1 kiloqram un
1 litr süd
yarım çay qaşığı duz
1 litr su
İstənilən halda 250 qram şəkər tozu da əlavə etmək olar.
Əvvəlcə yumurtalar qırılır, üzərinə şəkər tozu tökülərək qarışdırılır. Daha sonra süd tökülür və qarışdırılma prosesi davam etdirilir. Eyni qarışdırma prosesi üzərinə un və duz da əlavə olunaraq davam etdirilir.
Alınmış məhlula umac deyilir. Umac qaydasında olmalıdır nə çox sulu, nə də çox qatı.
Sonra sac qızdırılır və yağlanır. Daha sonra hazırlanan umacdan bir stəkan götürülüb sacın üzərinə tökülərək bişirilir. Bu proses umac bitənədək davam etdirilir.
Bişirildikdən sonra ya bal, ya şirin çay ya da sadə formada yeyilir. Nuş olsun.

Видео Hələ də Maxara yeməyənlər üçün канала GSR fm