“Конвертация очилса¸ бир доллар 10 минг сўмга сакраши мумкин”

Август ойидан бошлаб қора бозорда арзонлай бошлаган АҚШ доллари нархи 14 август куни 7000 сўмга тушди. Айни шу куни мамлакат тижорат банклари юридик шахсларга сотилаëтган бир АҚШ доллари нархини 8500 сўмдан белгилади. Марказий банк 22 август куни 50 минг сўмлик янги банкнота чиқарилишини эълон қилди. Бу жараëнларнинг бир-бири билан боғлиқлигини айтган Озодлик суҳбатлашган таҳлилчилар¸ яқин келажакда долларнинг қайтадан кескин кўтарилиш босқичига ўтишини тахмин қилдилар.

Банклар ширкатларга 8500 сўмдан доллар сотмоқда¸ аммо улар долларини сотиб олмаяпти

Ўзбекистон Бош вазири Абдулла Ариповнинг 30 июнь кунги қарори билан тижорат банкларига “биржадан ташқари валюта бозоридаги операцияларни тўғридан-тўғри шартномалар асосида бозор курси бўйича амалга ошириш” ваколати берилган эди.

Озодликка маълум бўлишича¸ Бош вазирнинг бу қарорига берилган ички йўриқномага кўра¸ тижорат банклари ҳозирда ўз мижози бўлган юридик шахсларга фақат валюта сотмоқда¸ аммо уларга мижоздан валютасини сотиб олиш ваколати¸ ҳозирча¸ берилмаган.

Видео “Конвертация очилса¸ бир доллар 10 минг сўмга сакраши мумкин” канала Ozodlik Radiosi