Қадір Мырза Әли мектебіндегі әдістемелік қолдау

Атыраудағы NIS-тің Құрманғазы ауданы, Сафон ауылындағы Қадыр Мырза Әли орта мектебіне өткізген үш күндік семинары мәресіне жетті.

Үшінші күні NIS мұғалімдері STEM практикасы негізінде химия, физика, биологияны кіріктіріп оқытудың (team teaching) тың тәжірибесін таратты. Ауыл мектебінің ұстаздары барлық оқыту процесіне қатысып, балалармен бірге практика жүзінде жүзеге асыруға тырысты. Бұл мектепте STEM лабораториясы болғандықтан, жалпы пәндерді кіріктіріп оқытудың тиімді тәсілдерін үйрету тұсында практикаға басымдық берілді.

Семинар соңында үш күн қорытындысы бойынша Қадыр Мырза Әли мектебі директорының қатысуымен жиын өтіп, мектеп тарапынан NIS ұстаздарына кері байланыс берілді. Әлсіз, мықты тұстар нақтыланып, бағыт-бағдар айқындалды.

Енді, сафондық ұстаздар осы семинар барысында жиған тәжірибелерімен Құрманғазы ауданының басқа мектептері мұғалімдерімен де бөлісуге ниетті. Келесі кезекті сапарда сафондық ұстаздар Атыраудағы NIS-ке келіп, тәжірибе алмасуды жалғастыратын болады.

Видео Қадір Мырза Әли мектебіндегі әдістемелік қолдау канала Назарбаев Интеллектуальная школа ХБН г.Атырау