Қуаңшылық пен жұт! 17 көл тартылып қалды. Жаңа ауыл шаруашылығы министрі түйткілді қалай шешпек?

Биылғы қуаңшылықтан ауыл шаруашылығы қатты зардап шегіп, шаруаларға шаш етектен қиындық тудырды. Әсіресе, Маңғыстау және Қызылорда облыстарында жағдай тіптен ушығып, жұт жайлады. Бір түйір азық таппаған мал жаппай қырылып қалды. Үкіметтің кеңейтілген отырысында мемлекет басшысы Қасым-Жомарт Тоқаев, шаруалардың бұлай тығырыққа тірелуі "әкімдіктер мен ауыл шаруашылығы министрлігінің дұрыс шешім қабылдамауынан екенін кесіп айтты. Президенттің сынынан соң Сапархан Омаров қызметінен алынып, осы кезге дейін қаржы министрінің орынбасары болып істеген Ербол Қарашөкеев ауыл шаруашылығы министрі міндетін атқарушы болып тағайындалды. Енді жаңа министр қуаңшылықтан жұт жайлап, көлдері соры шығып жатқан өңірлердегі түткілді шеше ала ма? Қазірдің өзінде Қызылорда облысына экологиялық апат төніп тұр. Биылғы аптап пен Сырдария өзені деңгейінің түсіп кетуінен аймақтағы 17 көл тартылып қалған.
Қызылордада экологиялық апат. Тек биылдың өзінде былтырғымен салыстырғанда Қызылорда облысы аумағына Сырдария өзені арқылы келетін судың мөлшері бірден 2 миллиард 400 миллион текше метрге дейін түсіп кеткен. Яғни өзендегі су мөлшері биыл жылдағыдан 35 пайызға аз. Оның үстіне осы жазда өңірде күн қатты ысып, кей аудандар бір тамшы жауынға зар болып қалды. Ал соның кесірінен аймақтағы белгілі 207 көлдің 17-сі тартылып қалған. Эколог Сайлаубай Жұбатыров бұған дейін болмаған бұл жағдайға бей-жәй қарамау керек екенін айтады.
САЙЛАУБАЙ ЖҰБАТЫРОВ, эколог:
– Мал өліп жатыр. Сырдың экологиясы жұтады. Қазір мейлінше шарықтау шегіне жетті. Бұдан да жаман болуы мүмкін. Ал ол бұзылса, қазір істеп жатқан жұмыстардың бәрі жоққа шығады.
Экологтың айтуынша, Сырдарияның төменгі жағындағы облыс аумағына соңғы жылдары судың аз келуі, трансшекаралық өзеннің бастауындағы көрші елдердің қолдан істеп отырғаны болуы мүмкін. Сондықтан бұған билік баса назар аударғаны дұрыс дейді. Әйтпесе көлдер толық құрғап, егістіктен де, жайылымнан айырылып қалу қаупі бар дейді.
Облыс бойынша 207 көлдің тартылып қалған 17-сі төрт ауданның территориясында орналасқан. Олардың 3-еуі Жалағашта, үшеуі Сырдария ауданында. Ал суы азайып қалған тағы екі көл Жаңақорған ауданының аумағында. Сонымен қоса Шиеліде 9 көл толық құрғап қалған.
Ал әкімдіктегілер өзен арнасындағы судың қазіргі деңгейі көлдерге құюға жетпей жатқанын айтады. Сондықтан құрғаған су айдындарын толтыру үшін арнайы техникаларды орналастыруды жоспарлап отырмыз дейді.
БАУЫРЖАН ОСПАНОВ, Қызылорда облыстық табиғи ресурстар және табиғатты пайдалану басқарма басшысының орынбасары:
– Биік жерде орналасқа көлдерге гидротехникалық құрылыс жұмыстарын жүргізуді жоспарлап отырған болсақ, соған биыл 19 гидротехниканың құрылысын жүргізу үшін 16,2 млн теңге жобалық-сметалық құжаттарын әзірлеуге өтінім бердік.
АБАЙ НҰРЖАНҰЛЫ, тілші:
– Қазір Сырдария өзенінің суы шынымен де сирақтан ғана келіп тұр. Әкімдіктегілер мұны адамның қолымен жасалған апат емес, жауынның аз болуынан, яғни табиғаттың тосын мінезінен болған мәселе дейді.
Абай Нұржанұлы, Рахымжан Ысқақов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#қуаңшылық #экологиялық_апат

Видео Қуаңшылық пен жұт! 17 көл тартылып қалды. Жаңа ауыл шаруашылығы министрі түйткілді қалай шешпек? канала Информбюро 31