Загрузка...

បណ្ឌិត គី សេរីវឌ្ឍន៍៖ ការអភិវឌ្ឍធនធានមនុស្ស ជាគន្លឹះដ៏សំខាន់ ក្នុងការជំរុញកំណើនសេដ្ឋកិច្ចជាតិ និង...

បណ្ឌិត គី សេរីវឌ្ឍន៍៖ ការអភិវឌ្ឍធនធានមនុស្ស ជាគន្លឹះដ៏សំខាន់ ក្នុងការជំរុញកំណើនសេដ្ឋកិច្ចជាតិ និងមិនធ្លាក់ចូលទៅក្នុងអន្ទាក់នៃប្រទេសចំណូលមធ្យម (Video inside)

(ភ្នំពេញ)៖ លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជា បានលើកឡើងថា ការអភិវឌ្ឍធនធានមនុស្សជាផ្នែកដ៏សំខាន់ ក្នុងការជំរុញកំណើនសេដ្ឋកិច្ចជាតិ។ ក្នុងនោះលោកបានបញ្ជាក់ថា ការអភិវឌ្ឍធនធានមនុស្សឲ្យខ្លាំង ឲ្យឆ្នើម ចេញពីប្រព័ន្ធអប់រំ និងវិស័យអប់រំរបស់យើងនេះ ទើបអាចជំរុញកំណើនសេដ្ឋកិច្ចមានកំណើនលឿន ជាងការអភិវឌ្ឍមូលធន។

ការលើកឡើងរបស់លោក គី សេរីវឌ្ឍន៍ ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «តើកម្ពុជាចាកចេញពីប្រទេសអភិវឌ្ឍន៍តិចតួច នៅឆ្នាំ២០២៩ ចំណេញ ឬខាតអ្វីខ្លះ?»។

លោកបណ្ឌិត គី សេរីវឌ្ឍន៍ បានថ្លែងថា «ការអភិវឌ្ឍធនធានមនុស្សឲ្យខ្លាំង ឲ្យឆ្នើម ចេញពីប្រព័ន្ធអប់រំ និងវិស័យអប់រំរបស់យើងនេះ ទើបអាចជំរុញកំណើនសេដ្ឋកិច្ចមានកំណើនលឿន ជាងការអភិវឌ្ឍមូលធន ក្នុងនោះបើប្រៀបធៀបលើសណ្ឋានដីកម្ពុជា មានផ្ទៃដៅតូច ជាប្រទេសមានពាណិជ្ជកម្មតូចជាងប្រទេសដទៃ ដូច្នេះដើម្បីជំរុញកំណើនសេដ្ឋកិច្ចត្រូវអភិវឌ្ឍធនធានមនុស្ស»។

លោកបណ្ឌិតបានបន្ដថា ការបណ្ដុះមូលធនមនុស្ស និងការកែទម្រង់របស់រដ្ឋាភិបាល នឹងធ្វើឲ្យកម្ពុជា មិនធ្លាក់ចូលទៅក្នុងអន្ទាក់ នៃប្រទេសចំណូលមធ្យមនោះទេ ប៉ុន្ដែមានស្ថានភាពខ្លះអាចកើតមានឡើង ដូច្នេះវាអាស្រ័យលើស្ថានភាពសេដ្ឋកិច្ចអន្ដរជាតិ ដូច្នេះយើងមិនអាចព្យាករណ៍បានឡើយ ប៉ុន្ដែបើយើងមើលទៅតាមអ្វីដែលជាការខិតខំប្រឹងប្រែង ធ្វើតាមយុទ្ធសាស្រ្ដបចកោណបាន នោះយើងនឹងមិនធ្លាក់ចូលអន្ទាក់ ក្នុងរយៈពេលវែងនោះឡើយ។

លោកបញ្ជាក់បន្ថែមថា រាជរដ្ឋាភិបាលក៏ត្រូវត្រៀមខ្លួនផងដែរ ចំពោះខួបនៃសេដ្ឋកិច្ច ដែលធ្លាក់ចូលក្នុងវិបត្តិ ជាក់ស្ដែងសម្រាប់សេដ្ឋកិច្ចធ្លាក់ចូលវិបត្តិនេះ ច្រើនតែធា្លក់ចូលអំឡុងពេល១០ឆ្នាំម្ដង៕

Видео បណ្ឌិត គី សេរីវឌ្ឍន៍៖ ការអភិវឌ្ឍធនធានមនុស្ស ជាគន្លឹះដ៏សំខាន់ ក្នុងការជំរុញកំណើនសេដ្ឋកិច្ចជាតិ និង... канала FRESH NEWS
Страницу в закладки Мои закладки
Все заметки Новая заметка Страницу в заметки

На информационно-развлекательном портале SALDA.WS применяются cookie-файлы. Нажимая кнопку Принять, вы подтверждаете свое согласие на их использование.

Об использовании CookiesПринять