WABUNIFU WAINGIA NA MASHINE ZA KUKAUSHA NA KUTENGANISHA MBEGU MAONYESHO YA SABASABA

Moja kati ya bunifu zilizopo kwenye maonyesho ya kibiashara ya Sabasaba mwaka huu ni pamoja na Mashine inayotumika kukaushia Nyama pamoja na Matunda ili viweze kudumu muda mrefu bila kuharibika.

Mashine hiyo ambayo ni Maalumu kwa ajili ya kupunguza matumizi ya Kemikali kwenye usindikaji wa vyakula na matunda yanayokaa muda mrefu imetengenzwa na chuo cha Mamlaka ya Elimu na Mafunzo ya Ufundi (VETA) Chang’ombe jijini Dar Es Salaam.

Akiungumza wakati wa kutoa ufafanuzi wa namna ambavyo Mashine hiyo inafanya kazi Mwalimu wa fani ya Umeme chuoni hapo, Emmanuel Bukuku amesema kuwa yeye kwa kushirikiana na wanafunzi wamebuni Mashine hiyo ili kuangalia ni namna gani watachangia kupuguza matumizi ya Kemikali kwenye usindikaji wa vyakula mbalimbali yakiwemo matunda na Nyama.
Akiongeza kuhusu uwezo wa Mashine hiyo mwalimu Bukuku alisema kuwa inatumia mfumo wa aina mbili za uendeshaji yani Umeme na Gesi hivyo kuifanya Mashine hiyo kuwa ya kipekee na inayoweza kutumika kwenye mazingira yoyote yale.

Видео WABUNIFU WAINGIA NA MASHINE ZA KUKAUSHA NA KUTENGANISHA MBEGU MAONYESHO YA SABASABA канала Mwananchi Digital