Lawe she goda geya | Ghani khan | Sardar Ali Takkar || by ||Al-Noor||

#Ghanikhan
#SardarAliTakkar
#ALNoor

لوئي شې ګوډاګیه, د ټوپونو نه دې ځار شم
اے د ګنډه ډکه, د ګلونو نه دې ځار شم

جوړ کړې د چا ګوتو شولې, جوړ د څه د پاره؟
ځار دې د قلمه, د حرفونو نه دې ځار شم

یو پُوکے د باد ئې څه د رنګ او جنګ خبرې کړې
اے د سحر خوبه, د خوبونو نه دې ځار شم

حُسن دې ایجاد کړو مشغولا دې ځان له جوړه کړه
ځار دې د مستۍ نه, د سازونو نه دې ځار شم

علم دې د خیال دے, خیال دې خوب او خوب دې خیال دے
دومره غټو غټو کتابونو نه دې ځار شم

پوه په سود او زیان, د سود او زیان به چرې ته نه شې
ځار دې د خندا نه, د ویرونو نه دې ځار شم

دوه ګړۍ ژوندون له دې څو قسمه نخرې جوړې کړې
ځار دې د سجدو او تکبیرونو نه دې ځار شم

ستورو او سپوږمۍ سره د راز او نیاز خبرې کړي
اے د خاورو ګله! د رنګونو نه دې ځار شم

کوم د تیارو کور ته مسافره! پټې سترګې ځي
ځار دې د ماڼو, د محلونو نه دې ځار شم

ګوتې دې اسمان ته او پاپۍ دې ډوبې خټو کښې
لوئي شې ګوډاګیه, د ټوپونو نه دې ځار شم

Видео Lawe she goda geya | Ghani khan | Sardar Ali Takkar || by ||Al-Noor|| канала AR AZAD NEWS