Qashqadaryoga Bangladeshdan yuzlab ishchilar olib kelinmoqda. Vazirlikdan ruxsat olinmagan

Shu oy boshida Bangladesh O‘zbekistonga ilk marta ishchi guruh yubordi. Kun.uz respublikaning Toshkentdagi elchixonasi vakilidan olgan ma’lumotga ko‘ra, birinchi parvozda 239 nafar mehnat muhojiri olib kelingan va ularni Enter Engineering kompaniyasi ishga yollagan.

Ma’lum bo‘lishicha, kompaniya Qashqadaryodagi loyihalarga jami 888 nafar bangladeshlik ishchini jalb etishni rejalashtirgan. Dastlabki guruh yetib kelgani ma’lum bo‘lgach, jamoatchilik va rasmiylarda e’tirozlar uyg‘onishi fonida, qolgan ishchilarning olib kelinishi masalasi noma’lum bo‘lib qolmoqda.

Mehnat vazirligi bu holatdan xabarsizligini bildirib, bangladeshlik ushbu mehnat muhojirlarining O‘zbekistonda ishlashi uchun ruxsatnoma bermagani, bu borada murojaat kelib tushmaganini ma’lum qildi. Qonunchilikka ko‘ra, O‘zbekistonga xorijdan ishchi kuchini ruxsatnoma olmay jalb qilish taqiqlangan.

#Kun_Munosabat
Rasmiy vebsayt: http://kun.uz
Telegram kanalimiz: https://telegram.me/kunuzofficial
Facebook`da kuzating: https://www.facebook.com/kunuznews
Twitter`da kuzating: https://twitter.com/KunUzNews
Instagram`da kuzating: https://www.instagram.com/kun.uz
OK.ru`da kuzating: http://ok.ru/kunuznews
VKontakte`da kuzating: https://vk.com/kun_uz
TikTok`da kuzating: https://www.tiktok.com/@kunuznews

Видео Qashqadaryoga Bangladeshdan yuzlab ishchilar olib kelinmoqda. Vazirlikdan ruxsat olinmagan канала KunUZ