Daha 13 terrorçu ədalət mühakiməsində - Baku TV

Daha 13 terrorçu ədalət mühakiməsində - Baku TV

Ötən il noyabrın 10-da imzalanan üçtərəfli bəyanatla atəşkəsin elan edilməsindən sonra Azərbaycan ərazisinə qanunsuz olaraq gizli yollarla keçən, Xocavənddə meşəlik ərazidə mövqe tutaraq hərbi qulluqçular və mülki şəxslərə qarşı terror-təxribat əməlləri törədən erməni silahlı dəstəsinin daha 13 üzvünün cinayət işi üzrə məhkəmənin hazırlıq iclası keçirilib.

Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prosesdə əvvəlcə təqsirləndirilən şəxslərin anket məlumatları dəqiqləşdirilib. Daha sonra onlara hüquqları izah edilib.
Hakim elan edib ki, təqsirləndirilən şəxslər dövlət hesabına vəkillərlə təmin olunublar.
İctimaiyyətə açıq və şəffaf keçirilən məhkəmə iclasında media nümayəndələri, vətəndaş cəmiyyətinin təmsilçiləri iştirak ediblər.

Ədalət mühakiməsində vəkillər vəsatətlə çıxış ediblər. Vəsatət təmin olunmayıb.
Cinayət işi üzrə məhkəmə baxışı iyulun 1-nə təyin edilib.

Proses Bakı Apellyasiya Məhkəməsinin inzibati binasında baş tutacaq.
Xatırladaq ki, ötən il noyabrın 26-27-də Azərbaycan sərhədlərini qanunsuz olaraq keçən təqsirləndirilən şəxslər dekabrın 13-də Dövlət Təhlükəsizliyi Xidmətinin keçirdiyi antiterror əməliyyatı nəticəsində ələ keçirilib.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Daha 13 terrorçu ədalət mühakiməsində - Baku TV канала Baku TV