Karavasta, në oazin shqiptar të pelikanit kaçurrel

VENDE DHE UDHETIME
Karavasta, në oazin shqiptar të pelikanit kaçurrel

Nga Edmond Prifti – Dikur Vlashi, personazhi i famshëm i “Pyllit të lirisë”, vraponte të kapte kalin e azdisur në pyjet e dendura të Divjakës. Sot atë e ka zëvendësuar më së miri i mirënjohuri “Ali Kali”, që jep spektakël mes tavolinave me zgarën e peshqve në dorë, së bashku me kalin e tij Mozën… Dikur ashtu si kuajt, – nëse sheh dokumentarët e dikurshëm të AQSHF-së, – në këtë Park Kombëtar të Divjakë-Karavastasë, rriteshin buajt e egër, madje edhe gjelat. Sot, atë që e bën të famshme këtë lagunë, janë pelikanët kaçurrel, Vlashi, (sipas filmit në fjalë) dhe Xhoni, tashmë një nga “banorët” 3-vjeçarë të Qendrës së Vizitorëve, në hyrje të Karavastasë. Të gjesh prehje këtu mes natyrës, e sigurt nuk të mjafton një ditë, e megjithatë në rubrikën tonë “Vende dhe udhëtime”, po përpiqemi të japim një panoramë të shkurtër, të asaj çka pamë dhe shijuam në këtë lagunë.

Rrugëtimi

Për të shkuar në Parkun Kombëtar Divjakë-Karavasta, nuk duhet më shumë se 2 orë larg nga Tirana me makinë. Parku Kombëtar Divjakë-Karavasta gjendet 90 kilometra nga kryeqyteti, 60 kilometra nga qyteti-port i Durrësit dhe 80 kilometra nga Aeroporti Ndërkombëtar “Nënë Tereza”. Rruga ende në gjendje të mirë, përjashto atë dhjetëra kilometra nga rruga kombëtare në rrethrrotullimin e Cermës, në drejtim të Divjakës. Sipas Nicolae Iorga-s, akademikut rumun, i cituar nga historiani kroat, Milan Shuflaj, përmendet që në shekullin e XIII-XIV-të, si pjesë e familjes Matarango, e quhej “Caravastassi”, një toponim fjale i ardhur nga greqishtja që do të thotë “port për barka”. Sot, llojet e rralla të pishave që përfshihen në atë që njihet me emrin “Parku Kombëtar Pishat e Divjakës” (5 kilometra nga ky qytet), si dhe Pelikani dalmat, janë gjërat më interesante që mund të shihen në këtë park. Por gjithçka nuk përfundon këtu…

Për më tepër: https://gazetasi.al/karavasta-ne-oazin-shqiptar-te-pelikanit-kacurrel/

Ndiqni këtë faqe në YouTube për mini dokumentarë apo reportazhe nga vende të ndryshme të Shqipërisë, duke bërë SUBSCRIBE dhe ndjekur Playlist
www.youtube.com/edmondpriftiatsh

Видео Karavasta, në oazin shqiptar të pelikanit kaçurrel канала Edmond Prifti Multimedia