"Dəmir yumruq" yenidən işə düşə bilər - Baku TV

Sərhəddəki gərginlikdə xarici qüvvələrin görünməyən "izləri" - Baku TV

Ermənistanın Azərbaycanla sərhəddə yaratdığı gərginlik düşmən ordusunun itirilmiş “gücü”nü və “qüruru”nu bərpa etməyə hesablanıb. Bununla rəsmi İrəvan həm ölkə, həm də dünya ictimaiyyətinə nümayiş etdirməyə çalışır ki, Ermənistanın müqavimət imkanları mövcuddur və bunu göstərmək iqtidarındadır.

Ekspertlərə görə, qarşı tərəf sərhəddə təxribat törətməklə həm də “münaqişə hələ bitməyib” görüntüsü yaratmağa cəhd göstərir.

İki ölkənin dövlət sərhədi boyunca gərginliyin artırılmasında Ermənistanın müəyyən xarici dairələr - ATƏT-in Minsk qrupu ölkələri tərəfindən qızışdırılması halları da istisna deyil. Son dövrdə Fransanın Ermənistandakı səfirinin “münaqişə hələ bitməyib, status məsələsinə baxılmalıdır” kimi bəyanatları, rəsmi İrəvanın siyasi dəstək kimi qəbul etdiyi ABŞ-ın Ermənistandakı səfirinin sərhədyanı əraziyə səfəri, eləcə də onların təxribatçı ölkəni müxtəlif vasitələrlə silahlandırmaları, heç şübhəsiz, revanşist qüvvələri yenidən cəsarətləndirib. Sadalananlar fonunda əminliklə söyləmək olar ki, Ermənistan provakativ addımlar atmaqla regionda dayanıqlı sülhün və sabitliyin yaranmasında maraqlı olmayan tərəfləri münaqişəyə cəlb etmək istəyir.

Aydındır ki, Ermənistan eyni zamanda açıq şəkildə dövlət sərhədinin delimitasiya və demarkasiyası üzrə danışıqlardan da imtina edir. Yəni, sərhəd gərginliyi ilə sözügedən məsələləri arxa plana keçirməyə çalışır. Lakin Ermənistan və bu ölkəyə havadarlıq edən xarici qüvvələr unutmamalıdır ki, postmüharibə dövrünün reallıqları ilə barışmasalar, 44 günlük Vətən müharibəsində dünyaya səs salan “Dəmir yumruq” yenidən işə düşə bilər.



Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео "Dəmir yumruq" yenidən işə düşə bilər - Baku TV канала Baku TV