Депутат азаматтардың зейнетақы ақшасына жер телімін алуға рұқсат етуді ұсынды

Мәжіліс депутаты Айқын Қоңыров енді халық зейнетақы қорындағы ақшасына жер телімін алсын, ол үшін арнайы "жер үй" бағдарламасын енгізейік деп отыр. Депутат қазақстандықтардың зейнетақы қорындағы үй алуға жұмсаған ақшасының пайдасын халық емес, банктер мен құрылыс компаниялары көргенін айтады. Ал көпшілік зейнетақы қорындағы ақшасын алып бастағалы баспана бағасы 8,3 процентке қымбаттап кеткен.
Баспана бағасы әлі аспандап тұр. Мысалы Нұр-Сұлтанда былтыр 23-24 миллионға сатылған екі бөлмелі пәтер қазір 27-28 миллион теңге. Айқын Қоңыровтың айтуынша монополияға қарсы агенттік қанша тырысса да ретке келтіре алмады. Оның үстіне үй біздікі болғанымен материалы шетелдікі. 2019-2021 жылдары шетелден 10 миллиард долларға құрылыс материалы сатылып алыныпты. Халық баспаналы болсын деп жыл басынан бері 313 мың отандасымызға зейнетақы қорынан 1 триллон 400 миллиард теңге аударылған. Оның да игілігін қарайапым халықтан гөрі банктер мен құрылыс компаниялары көріпті.
АЙҚЫН ҚОҢЫРОВ, ҚР Парламенті Мәжілісінің депутаты:
– Бұл жоба тұтас экономикаға кері әсер етті. Одан ірі мегаполистегі құрылыс компаниялары мен банктер пайда көрді. Бірақ халықтың баспанаға қолжетімділігі артқан жоқ. Мәселе жүйелі түрде шешілмеді. Керісінше тұрғын үй мәселесі ушығып кетті.
Айқын Қоңыров енді зейнетақы қорындағы ақшасына халық жер телімін ала алтындай болсын дейді. Ол үшін мемлекет кепілдік беретін облигацияларды шығарып, оған зейнетақы қорындағы ақшаны салуды ұсынып отыр. Осылайша жер телімдерін халыққа тездетіп үлестіруге мүмкіндік бар.
Ал, Қазақстанның құрылысшылар одағының төрағасы Талғат Ерғалиев Отандық құрылыс материалдарын өндірушілер көбеймей, баспана бағасы шарықтай беретінін айтты.
ТАЛҒАТ ЕРҒАЛИЕВ, Қазақстан құрылысшылар одағының төрағасы:
– Баға әрине бізде өседі! Қазір біз өз-өзімізді құрылыс заттарымен қамтамасыз ете алмай, өз өзімізбен шағын және орта бизнестің үлесі экономикадағы өспей, қазір 25 болса 60-50 болмай біздің инфляция, баға өсе береді.

Талғат Ерғалиев зейнетақы қорынан ақша алынған соң баға өсті дегенмен келіспейді. Жылдың басында үйдің қымбаттауы құрылыс материалдарының қымбаттауымен байланысты болған дейді. Және зейнетақы қорының ақшасына халыққа жер де, пәтер де алуға мүмкіндік беруіміз керек дейді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#БЖЗҚ #жер #баспаналы_қазақ

Видео Депутат азаматтардың зейнетақы ақшасына жер телімін алуға рұқсат етуді ұсынды канала Информбюро 31