26 НОЯБРЯ ВАСИЛИЮ ВЕЛИКОМУ, ГРИГОРИЮ БОГОСЛОВУ И ИОАННУ ЗЛАТОУСТУ! Избавят от недугов душевных и тел

26 НОЯБРЯ ВАСИЛИЮ ВЕЛИКОМУ, ГРИГОРИЮ БОГОСЛОВУ И ИОАННУ ЗЛАТОУСТУ! Избавят от недугов душевных и телесных

Тропарь святителям Василию Великому, Григорию Богослову и Иоанну Златоусту , глас 4
Я́ко апо́столов единонpа́внии/ и вселе́нныя учи́телие,/ Влады́ку всех моли́те/ миp вселе́нней даpова́ти// и душа́м на́шим ве́лию ми́лость.

Перевод: Апостолам единомысленные и вселенские учители, Владыку всего молите мир вселенной даровать и душам нашим великую милость.

Молитва святителям Василию Великому, Григорию Богослову и Иоанну Златоусту
О, пресве́тлии свети́льницы Це́ркве Христо́вы, Васи́лие, Григо́рие и Иоа́нне, све́том правосла́вных догма́тов вся концы́ земли́ озари́вши и мече́м сло́ва Бо́жия ху́льных смуще́ния и шата́ния ересе́й угаси́вшия! Припа́дающе к ва́шему милосе́рдию, с ве́рою и любо́вию из глубины́ души́ вопие́м: предстоя́ще престо́лу Пресвяты́я, Единосу́щныя, Животворя́щия и Неразде́льныя Тро́ицы, за Ню́же сло́вом, писа́нием, и житие́м до́бре подвиза́стеся и ду́ши своя́ полага́сте, всегда́ моли́теся Ей, да укрепи́т и ны в правосла́вии и единомы́слии, и непоколеби́мем да́же до сме́рти испове́дании ве́ры Христо́вы, и во вседуше́внем послуша́нии Его́ Це́ркви Святе́й; да препоя́шет ны с высоты́ си́лою на вся неви́димыя и ви́димыя враги́ на́ша; да соблюде́т Це́рковь Свою́ незы́блему от неве́рия, суеве́рия, ересе́й и раско́ла; да да́рует наро́ду на́шему долгоде́нствие и во всем благо́е поспеше́ние; па́стырем на́шим да пода́ст духо́вное трезве́ние и ре́вность о спасе́нии пасо́мых, власте́м суд и пра́вду, во́ином терпе́ние, му́жество и одоле́ние на враги́, си́рым и вдови́цам заступле́ние, боля́щим исцеле́ние, ю́ным благо́е в ве́ре возраста́ние, ста́рцам утеше́ние, оби́димым заступле́ние и всем вся, ко вре́менней и ве́чней жи́зни потре́бная, я́ко да в ми́ре и покая́нии, жела́нием спасе́ния горя́ще, Го́сподеви рабо́тающе, до́брым по́двигом подвиза́ющеся, тече́ние на́ше сконча́ем и сподо́бимся в Небе́снем Ца́рствии ку́пно с ва́ми всегда́ пе́ти и сла́вити пресвято́е и великоле́пое и́мя Отца́ и Сы́на и Свята́го Ду́ха во ве́ки веко́в. Ами́нь.

#святительиоаннзлатоуст #святительвасилийвеликий #святительгригорийбогослов #молитвасвятым #молитваоздравии #молитваобисцелении #молитвазадетей #молитвазаучёбу #моллитваукрепленияверы

Видео 26 НОЯБРЯ ВАСИЛИЮ ВЕЛИКОМУ, ГРИГОРИЮ БОГОСЛОВУ И ИОАННУ ЗЛАТОУСТУ! Избавят от недугов душевных и тел канала Православная Молитва