«Հայաստանում աշխատուժի զարգացման» ծրագրի առաջին 11 մասնակիցներն արդեն անցել են աշխատատանքի

Ամփոփեցինք «Հայաստանում աշխատուժի զարգացման» ծրագրի ներքո «Ձեռնարկությունների ինկուբատոր» հիմնադրամի և Վանաձորի տեխնոլոգիական կենտրոնի կողմից իրականացված «Ճարտարապետության հիմունքներ, կոնստրուկցիաներ և ծրագրային գործիքակազմ» դասընթացի արդյունքները։

Դասընթացն իրականացվել է հոլանդական ArchiDutch ճարտարապետական ընկերության հետ համատեղ մշակված կրթական ծրագրով և լավագույն արդյունքներ ցուցաբերած մասնակիցներից 11-ն արդեն աշխատանքի հնարավորություն են ստացել ընկերությունում։

Առաջիկա հինգ տարիներին «Հայաստանում աշխատուժի զարգացման» ծրագրի ներքո 10 հազար երիտասարդների և կանանց կտրամադրվի հնարավորություն՝ բարելավելու իրենց աշխատանքային հմտությունները՝ համապատասխանեցնելով դրանք աշխատաշուկայի պահանջներին, ՏՀՏ/բարձր տեխնոլոգիաների, գյուղատնտեսության և զբոսաշրջության ու հյուրընկալության ոլորտներում։ Նախատեսվում է, որ արդյունքում Ծրագրի շահառուների շուրջ 70%-ը կունենա նոր աշխատանք գտնելու կամ աշխատանքային առաջընթաց գրանցելու հնարավորություն։

***
«Հայաստանում աշխատուժի զարգացման» ծրագիրն ծրագիրն իրականացվում է «Ձեռնարկությունների ինկուբատոր» հիմնադրամի կողմից՝ «Հայաստանի Ազգային ագրարային համալսարան» հիմնադրամի, Ամերիկայի Հայ օգնության ֆոնդի և «ՍԻՎԻՏՏԱ Հայաստան» գործարար խորհրդատվական ընկերության հետ համագործակցությամբ և ԱՄՆ Միջազգային զարգացման գործակալության ֆինանսավորմամբ։

Видео «Հայաստանում աշխատուժի զարգացման» ծրագրի առաջին 11 մասնակիցներն արդեն անցել են աշխատատանքի канала Enterprise Incubator Foundation EIF