Жерден тәтті су шығарамыз деп бюджеттің 500 миллионы жұмсалғанымен, халық тат суды ішіп отыр

Жамбыл облысында жарты миллиард теңге жұмсалған су имаратынан бір жұтым ауыз су шықпай қалған. Осылайша 500 миллион теңгенің жұмысы текке кеткен. Бірақ елдімекен ауыз су тартылған ауылдардың есебінде тұр дейді Қылышбайлықтар. Ал аудан басшылары кеткен қаржыға қиналмайтын сыңайлы. Өйткені бар кінәрат о баста жер асты суын барлаудан кеткенімен байланыстырады. Әріптесім Нұрадин Рақай суы бар ауылдың санында болғанымен тіршілік нәрінен тарыққан тұрғындармен тілдесіп келді.
Екі жыл бұрын 540 миллион теңгеге салынған су имараты сырт көзге су жаңа. Бірақ суын адам түгілі жануар да іше алмайды. Бірде сортаң, бірде лай, бірде май. Дәмі де дәл солай.
ҚУАНБЕК ЖАРҚЫНБЕКОВ, Қылышбай ауылының тұрғыны:
– Осы водокачкаға 500 миллион ақша бөлінген. Былтыр қосты, осы декабрьде. Содан суымыз сап-сары. Кәдімгі тат су бар ғой. Сондай болып шықты. Біз неге тәтті су ішпейміз 500 миллионға?!
СВЕТА СӘКИЕВА, Қылышбай ауылының тұрғыны:
– Вообщем іше алмайсың. У татиды. Кәдімгі теңіздің суы сияқты дәмі. Содан қалай жиіркенесіз тура сол. Мал ішпейді.Үш жыл болды біз водовоздан соляркасын өзіміз төлеп, әр келген рейсіне 20 литрден құйып береміз. Сөйтіп ауыз суды тасып ішіп отырмыз.
2021 жылы ел игілігіне берілген нысаннан ертесі-ақ ащы су атқылап шыққан. Бұл кезде мердігер ауыл ішіне құбыр тартып, құдық қазып, жүйесін жүргізіп қойған. Сөйтсе, бұл жерден су имаратын мүлде салуға болмайтын болып шыққан. Құжат жасағанда жер астында су қоры көп деп жалған құжат жасалған дейді әкім.
БӘКІР ИСАБЕКОВ, Қылышбай ауылының әкімі:
– Бұл жерде геологиялық зерттеу жүргізгенде осы жердің суы тәтті деп берген. О баста, сол қателік болып артынан осыған тірелді. Барлау кезінде қателік кезінде. Тәтті деген соң салынған.
Осылайша ел бюджетінен бөлінген қаржының қайыры болмады дейді ел. Ал атқарушы билік басталған істі аяқтау үшін облыстық, аудандық бюджеттен жылда ақша бөліп жамағандай болады. Алайда оның да шарапаты шамалы болыпты.
ОРАЗБЕК ҚҰРБАНОВ, Қылышбай ауылының тұрғыны:
– Миллиондап, миллиондап ақша бөлініп жатыр. Бірақ оның сайда саны, құмда ізі жоқ. Оың қызығын кім көріп жатқан? Біздің Мойынқұмның өзі ступенька. Ақшаны алады, құяды, жейді, ішеді кетеді. Ешкімнің жаны ашып жатқан жоқ халыққа.
Жобадан кеткен кем-кетікті толтыру үшін қазір ащыны тұщытатын арнайы қондырғы алынған. Осылайша бір іске бірнеше рет қаржы бөліп бітпейтін іске айналды дейді жұрт.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Жерден тәтті су шығарамыз деп бюджеттің 500 миллионы жұмсалғанымен, халық тат суды ішіп отыр канала Информбюро 31