Жанарбек Акаев: Тезинен координациялык кеңеш түзүш керек

Кыргызстандагы саясий кризистен чыгыш үчүн 4-октябрдагы шайлоонун жыйынтыгын тааныбай турганын жарыялаган 13 партиянын мүчөлөрүнөн координациялык кеңеш түзүш керек. Бул тууралуу «Ата Мекен» партиясынын мүчөсү, Жогорку Кеңештин депутаты Жанарбек Акаев билдирди. Депутаттын айтымында, абалды көзөмөлгө алуу үчүн элдик ишенимдеги өкмөт түзүлүшү зарыл.

Конституциялык алкактан чыкпаш үчүн VI чакырылыштагы парламент чукул жыйынга чогулуп, төраганы алмаштырышы керек. Андан соң жаңы шайлоо белгиленет.

Ошондой эле Акаев Бишкек шаарындагы абалды жөнгө салуу үчүн комендантты дайындоо зарылдыгын кошумчалады.

Ал элди мыйзам алкагынан чыкпоого чакырып, банк түйүндөрүн сактап калууга үндөдү. Депутат аэропортторду да жабыш керек болорун белгиледи.

Видео Жанарбек Акаев: Тезинен координациялык кеңеш түзүш керек канала Azattyk