3/7/2023 ئىستانبۇلدىكى ئۇيغۇرلار قۇربان ھېيتتا جەم بولدى

كۈندىلىك مۇھىم خەۋەرلەر
ئۈرۈمچى قىرغىنچىلىقىنىڭ خاتىرە كۈنىدە خىتاي ئەلچىخانىسى ئالدىدا نامايىش ئۆتكۈزۈلىدۇ

ئۇيغۇر ھەرىكىتى 5-ئىيۇل ئۈرۈمچى قىرغىنچىلىقىنىڭ خاتىرە كۈنى مۇناسىۋىتى بىلەن خىتاينڭ ۋاشىنگتوندىكى باش ئەلچىخانىسى ئالدىدا نامايىش ئۆتكۈزىدىغانلىقىنى ئىلان قىلدى. يەنە بىر تەرەپتىن، ئىستانبۇلغا جايلاشقان شەرقىي تۈركىستان ئاممىۋى تەشكىلاتلار بىرلىكى ئىستانبۇلدىكى خىتاي كونسۇلخانىسى ئالدىدا نامايىش قىلىدىغانلىقىنى ئېلان قىلدى. بۇ ھەقتە ئىلان قىلىنغان باياناتتا، خەلقىمىزنى شەرقىي تۈركىستاندا داۋاملىشىۋاتقان ئىرقىي قىرغىنچىلىقىغا ئېتىراز بىلدۈرۈش، 5-ئىيۇل ئۈرۈمچى قىرغىنچىلىقىدا شېھىت بولغان قېرىنداشلىرىمىزنى خاتىرىلەش ئۈچۈن تەشكىللەيدىغان ئاخبارات ئېلان قىلىش يىغىنىغا تەكلىپ قىلىمىز، دېيىلدى.

ئىستانبۇلدىكى ئۇيغۇرلار قۇربان ھېيتتا جەم بولدى
قۇربان ھېيت مۇناسىۋىتى بىلەن 30-ئىيۇن ئىستانبۇلنىڭ سەفاكۆي رايونىدا ئىستانبۇلدىكى شەرقىي تۈركىستان خەلقى ئۈچۈن چوڭ تىپتىكى ھېيتلىشىش پائالىيىتى ئورۇنلاشتۇرۇلدى. خەلقئارا شەرقىي تۈركىستان تەشكىلاتلار بىرلىكى ھەر يىلى ئىككى ھېيتتا تەشكىللەپ كېلىۋاتقان مەزكۇر پائالىيەت قۇربان ھېيتنىڭ ئۈچىنچى كۈنىگە ئورۇنلاشتۇرۇلغان بولۇپ، تۈركىيەدىكى ھەرقايسى تەشكىلات مەسئۇللىرى، جامائەت ئەربابلىرى، ئىسلام دۇنياسىدىكى تونۇلغان ئۆلىمالار ۋە ئىستانبۇلدىكى شەرقىي تۈركىستانلىقلار بولۇپ، 2000 غا يېقىن مېھمان ئىشتىراك قىلدى.

بېرلىندىكى ئامېرىكا مۇستەقىللىق كۈنىنى خاتىرىلەش مۇراسىمىغا ئۇيغۇرلارمۇ قاتناشتى
ئامېرىكانىڭ گېرمانىيەدىكى ئەلچىخانىسى ئۇيۇشتۇرغان ئامېرىكا مۇستەقىللىقىنىڭ 247-يىلىنى خاتىرىلەش مۇراسىمىغا ئۇيغۇرلارمۇ قاتناشتى. بۇ مۇراسىمغا گېرمانىيەنىڭ يۇقىرى قاتلامدىكى سىياسەتچىلىرى، ھەرقايسى دۆلەتلەرنىڭ بېرلىندىكى ئەلچىلىرى ۋە دىپلوماتلىرى، ئامېرىكا ۋە گېرمانىيەنىڭ سودا ساھەسىدىكى مەشھۇر شەخسلەر بولۇپ كۆپ ساندا كىشى قاتناشقان. دۇنيا ئۇيغۇر قۇرۇلتىيىنىڭ رەئىسى دولقۇن ئەيسا، د ئۇ ق بېرلىن ئىشخانىسىنىڭ مۇدىرى غەيۇر قۇربان، ئۇيغۇر ھەرىكىتى تەشكىلاتىنىڭ رەھبىرى روشەن ئابباس ۋە ئۇيغۇر تەتقىقات مەركىزىنىڭ مۇدىرى ئابدۇلھاكىم ئىدرىس ئەپەندىلەرمۇ ئۇيغۇرلارغا ۋاكالىتەن بۇ مۇراسىمغا ئىشتىراك قىلغان.

ئامېرىكا مالىيە مىنىستىرى يېلېن خىتايغا بارىدۇ
ئامېرىكا مالىيە مىنىستىرى جانېت يېلېن بۇ ھەپتە خىتايغا بېرىپ يۇقىرى دەرىجىلىك ئەمەلدارلار بىلەن كۆرۈشىدۇ. يېللېننىڭ خىتاي زىيارىتى ئامېرىكا بىلەن خىتاي ئوتتۇرىسىدىكى ئالاقىنى چوڭقۇرلاشتۇرۇش ۋە دۇنياۋى خىرىسلارنى ھەل قىلىشنىڭ مۇھىم قەدىمى دەپ قارالدى. ئامېرىكا مالىيە مىنىستىرلىكىنىڭ باياناتىدا يېللېننىڭ 6-9-ئىيۇل كۈنلىرى بېيجىڭنى زىيارەت قىلىدىغانلىقى بىلدۈرۈلدى.

قازاقىستان سوتى ئۆكتىچى جانبولات ماماينىڭ جازاسىنى تەستىقلىدى

ئالمۇتادىكى بىر سوت مەھكىمىسى قازاقىستان دېموكراتىك پارتىيىسىنىڭ رەھبىرى كانبولات مامايغا قارشى قارارنى ساقلاپ قالدى. بۇنى ئۇنىڭ فېيىسبۇك بېتىدە ئايالى ئىنگا ئىمانباي ئېلان قىلغان. 4-ئاينىڭ 10-كۈنى, جانبولات ماماي «ئاممىۋى مالىمانچىلىقنى تەشكىللەش»، «يالغان ئۇچۇر تارقىتىش» جىنايىتى بىلەن ئالتە يىللىق قاماق جازاسىغا ھۆكۈم قىلىنغان. قارارغا ئاساسەن، ئۇنىڭ بۇ مەزگىلدە ئاخبارات، ئىجتىمائىي سىياسەت خىزمەلەر بىلەن شۇغۇللىنىشى چەكلەنگەن. بۇ قارار 29-ئىيۇن رەسمىي كۈچكە ئىگە بولغان.

فرانسىيىدىكى نامايىشلار داۋاملاشماقتا
ئىگىلىنىشچە، فرانسىيەدە ئالجىرىيەلىك بىر ياشنىڭ ساقچىلار تەرىپىدىن ئېتىپ ئۆلتۈرۈلۈشى سەۋەبلىك پارتلىغان نامايىشنىڭ ئالتىنچى كېچىسى157 ئادەم قولغا ئېلىنغان. فرانسىيە ساقچىلىرى 27-ئىيۇن نەنتېررېدا 3 ئادەم بولغان ماشىنىغا قارىتىپ ئوق چىقىرىپ، 17 ياشلىق شوپۇر نائېلنىڭ ئۆلۈمىگە سەۋەب بولغاندىن كېيىن، فرانسىيەنىڭ ھەر قايسى جايلىرىدا كوچىلارغا چىققان نامايىشچىلار ساقچىلار بىلەن توقۇنۇشقان.
#haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghur#haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghur

Видео 3/7/2023 ئىستانبۇلدىكى ئۇيغۇرلار قۇربان ھېيتتا جەم بولدى канала Rafkat Uighur