Қазақстанда жылжымайтын мүлік нарығы тоқтап тұр

Қазақстанда жылжымайтын мүлік нарығы тоқтап тұр. Өйткені сатушылар үйдің бағасын негізсіз өсіріп жіберген. Осылай деген риэлторлар қауымдастығының маманы, аталған салаға тамыз айында бірақ "жан бітеді" деп болжайды. Сол кезде ғана баға тұрақталуы мүмкін екен. Ал, құрылысшылар одағының төрағасы баспана құны төмендемейді дейді. Ресейге салынған санкция Қазақстанға сәуір, мамыр айында әсер етіп, оның алдын алмаса тұрғын үйлердің құрылысы тұралап қалуы мүмкін деген болжам жасайды.
Қазақстанда қазір жылжымайтын мүлік нарығы тоқтап қалды. Доллар бағамын сылтауратқан баспана қожайындары үй бағасын шарықтатып жіберді деген риэлтор, сатып алушылар қатары сиреді дейді. Уақыт қысқандар арзан бағамен өткізіп жатса, асықпағандар доллардың қазіргі бағамымен есептеп, сатуға шығарып қойған. Бүгінгі құбылыс 2015-2016-шы жылдардағы жағдайға ұқсайды деген маман, алдағы бес айда аталған салаға қайта жан бітуі мүмкін дейді.
ОРЫНБАСАР САТАЕВ, Қазақстан біріккен риэлторлар қауымдастығының кеңес мүшесі:
– Жалпы, тамыз айына таман мүмкін егер мемлекетіміз жаңағы үкіметіміз жақсы, тиімді ипотекалық бағдарламалар шығаратын болса, онда сол тамыз айына қарай жылжымайтын мүлік нарығының өсуіне немесе қызуына әсер етеді деп ойлаймын.
Орынбасар Сатаевтың сөзінше, Ресейден келетін құрылыс материалдары арзандауы мүмкін. Ал, Ресейге салынып жатқан санкция Қазақстанға сәуір, мамыр айларында әсер етеді деген құрылысшылар одағының төрағасы, көрші елден импортталатын тауар төмен бағамен келмейді деп потыр.
ТАЛҒАТ ЕРҒАЛИЕВ, Қазақстан құрылысшылар одағының төрағасы:
– 2000-шы жылдан бері құрылыс саласы дамыған кезден бастасақ, қай жаңағы дағдарыс болмасын әрқашанда баға төмен түсіп көрген жоқ. Баға төмен түседі, құрылыс заттары арзандап, түседі дегенге сенбейміз.
Елдегі жылжымайтын мүлік сататын портал сарапшыларының зерттеуі бойынша, қазір Алматыда үйдің бір шаршы метрі 642 мың теңге шамасында. Өткен айда ол, 619 мың болған екен. Ал, Елордада бүгінде 463 мың болса, ақпанда ғана 456 мың теңгеге сатылыпты. Шымкентте бір айдың ішінде үйдің бір шаршы метрі 53 мың теңгеге қымбаттаған. Жылжымайтын мүлік федерациясының мамандары, қымбатшылықты тоқтатудың бір ғана жолы - теңгенің тәуелсіздігі дейді. Ұлттық валютамыз рубльдің құрсауынан шыққанда, үйдің бағасы тұрақталатынын айтады.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Қазақстанда жылжымайтын мүлік нарығы тоқтап тұр канала Информбюро 31