"TURSUNOY" x/f. Tursunoy Oxunovaga bag`ishlangan, 1959 y. Д/ф "Турсуной" о Турсуной Ахуновой,1959 г.

Унинг бир орзуси бор эди. Аёлларга хос бўлмаган деб ҳисобланган, қадрдон онаси, кариндошлари, қўшнилари, ҳатто жамият қарши бўлган орзу. Унинг юраги ҳамма тўсиқлардан кучли ва юқори экан, 1955 йилда ўзининг 18 ёшида пахта териш машинасига ўтирган биринчи шарқдаги аёл бўлди. Унинг ёлғиз ўзи 160 та пахтакор ўрнини босди. Унинг йўлида уни бу ишини ташлашга ундовчилар, киноя ва кулишлар, танқид ва гап-сўзлар, ҳатто машина кира олмаслиги учун далага сув қўйвориш каби тўсиқлар учради. Ўз меҳнати, машина кетмон ўрнини босолмайди, деган эскирган тушунчаларга эга одамларга қарши курашиши ва, албатта, ўз халқи ва Ватанига муҳаббати билан тан олишларига эришди.
Турсуной Охунова кечаю-кундуз, юрагини тагида жажжи юракчалар уриб турганда ҳам, қўлида ёш болалари бўлганда ҳам далада ишлади. Унинг машаққатли ҳаёт йўли мобайнида, умрини меҳнатга бағишлаган умирйўлдоши Шерматов Султон доимо ёнида бўлди. У "Хизмат кўрсатган механизатор" деган шарафли номга сазовор бўлган. 30 ёшида колхоз (жамоа хўжалиги)ни бошқарган. Техникани яхши билиб, уни таъмирлаган ва ўзи ҳам пахта терган.
1959 йилда Охунова Т. 100 тонна пахта теришга ваъда бериб, ваъдасини ортиғи билан, яъни, 210 тонна пахта териш билан бажарган.
1960 йилда эса машинада 250 тонна пахта териш мажбуриятини бўйнига олди. Ўша йили 322 тонна “оқ олтин” терган ва Социалистик Меҳнат Қаҳрамони унвонини олган.

Видео "TURSUNOY" x/f. Tursunoy Oxunovaga bag`ishlangan, 1959 y. Д/ф "Турсуной" о Турсуной Ахуновой,1959 г. канала Ramon Sher