Біздің елдің жігіттері

Сөзі - Есенқұл Жақыпбектікі. Әуені - Жәкен Омаровтікі. Орындайтын - Досымжан Таңатаров.
Бұл ән тоқсаныншы жылдардың басында жазылған. Ол уақыттарда «рэкет» деген ұйымдасқан қылмыстық топтардың жұртқа ылаң салған кезі еді. Құқыққорғау органдары әлсіреген. Сол кезде өзге ұлттан шыққан қылмыс авторитеттеріне мойнсұнбай, оларға тойтарыс беріп, оларға өз сөздерін жүргізе білген қылмыс әлеміндегі қазақ жігіттеріне арнап автор осы өлеңді жазған екен.

Біздің елдің жігіттері -- жігіттердің төресі!
Солар жайлы, ағайын-жұрт, не білесің сен осы?
Олар жайлы айтылмайды биік-биік мінбеден,
Өйткені олар --ақиқат пен шындық сөздің жебесі.

Біздің елдің жігіттері -- жігіттердің төресі!
Біздің елдің жігіттері -- ұлы мұхит кемесі.
Осы жұрттан бақ пен Қызыр қашпаса екен деп тілеп,
Осал жерін түзеп жүрген біздің елдің шегесі.

Біздің елдің жігіттері -- жігіттердің сырттаны!
Кешегі өткен ақындар мен батырлардың ұрпағы.
Ерте туып, еш заманның маңдайына сыймаған,
Өз елінің ұлтаны мен өз елінің сұлтаны.

Олар жайлы білгің келсе, ортасына кіріп көр.
Солар жүрген жолдарменен дәтің болса, жүріп көр.
Ерте туып, еш заманның маңдайына сыймаған,
Қайран біздің қасиетті қара нардай жігіттер.

Видео Біздің елдің жігіттері канала JR Gannamstail