Көнеден жеткен қоссаз домбыра Ресейдің музейінде сақтаулы тұр

«Қос мойынды» немесе «Қоссаз» домбыра. Бұл – әлемдегі ең көне музыкалық аспаптардың бірі. Түпнұсқасы Ресейдің Шығыс музейінің қорында сақтаулы тұр. Ал Қызылорда облыстық музейіне оның көшірмесі қойылды. Ғалымдардың айтуынша, өткен ғасырдың 70-ші жылдары Хорезм экспедициясының олжасына айналған құнды жәдігер біздің заманымыздағы төртінші ғасырмен мерзімделеді.

Әйгерім Бекқұлиева, облыстық тарихи-өлкетану музейінің бөлім меңгерушісі:

- Елімізге белгілі археолог Әзілхан Тәжекеев Ресей Федерациясының Шығыс музейінде болып, арнайы зерттеу жұмыстарын жүргізіп, осы домбыраны қолдан жинаған еді. Сөйтіп үлкен жаңалық қылып шығарды. Бұл – «Баба домбыра» деген атқа ие құнды дүние. Сыр елінде табылғандықтан, Қызылорда облысының айнасы саналатын облыстық музейде тұруы керек деп шештік.

Кезінде Моңғолиядан табылған шекті аспап біздің заманымыздағы жетінші ғасырға жатқызылып «Ата домбыра» аталып кетсе, Сыр еліндегі қос мойынды аспаптың тарихы одан 3 ғасыр ерте екенін ескерген археологтар «Баба домбыра» деуге толық негіз бар деп санайды. Әзілхан Тәжекеевтің ғылыми жарияланыма норвегиялық ғалымдар да қызығушылық білдіріп, өз зерттеулеріне қосқан.

Әзілхан Тәжекеев, тарих ғылымдарының кандидаты, PhD доктор:

- Бұл мақала рейтингі жоғары журналдарда жарияланып, кейін Израильдің, Англияның газеттері жан-жақты талдап жазды. Мақалаларда «Саттон-Ху обасындағы лираның атасы Қазақстан территориясынан 4 мың шақырым қашықтықта табылған» деген сынды ақпарат көрсетілген. Бір жағынан бұл – біздің жерімізде табылған осы жәдігердің Еуропамен байланысы болғанын дәлелдей түсетін деректердің бірі.

Көне «Қоссаз» домбыра Англиядағы Саттон-Ху обалы қорымынан табылған лира аспабынан да көне екені нақтыланған. Мұндай құнды жәдігерлеріміздің қатары алдағы уақытта тіпті көбеюі мүмкін. Өйткені Ресейдің ғылыми орталықтары мен мұражайларында кеңінен зерттеуді қажет ететін 700-ге жуық ағаш бұйымдардың бөлшектері бар екен.

#Қоссаз #домбыра #Англия #СаттонХу #Ресей #Қызылорда #музей #археолог #ӘзілханТәжекеев #мақала #ҚазақТВ #QazaqTV

Qazaq TV: бізді спутниктік арна арқылы және Youtube, әлеуметтік желілерден көріңіздер. Видео астында пікір қалдыруды ұмытпаңыздар!

Біздің басты шоуларды көріңіз:

Бабалар ізімен: https://www.youtube.com/playlist?list=PLODSPLCgl5Ggj1fNNK2ey-DGNtowG0kpE

Көкпар: https://www.youtube.com/playlist?list=PLODSPLCgl5GguHZNKYEvZr6RvFNxYNCRh
Қандастар: https://www.youtube.com/playlist?list=PLODSPLCgl5Gi6_YEWaJW23muwCvNH1b74

Байланыс аясынан тыс жерде 2: https://www.youtube.com/playlist?list=PLODSPLCgl5Gi1F1UNYHJLIe0qQByYLoN-
Qazaq TV: смотрите нас на спутниковом ТВ, в Youtube и социальных сетях. Оставляйте ваши коммментарии под этим видео.

Смотрите наши топовые шоу:

По следам предков: https://www.youtube.com/playlist?list=PLODSPLCgl5Ggj1fNNK2ey-DGNtowG0kpE

Кокпар: https://www.youtube.com/playlist?list=PLODSPLCgl5GguHZNKYEvZr6RvFNxYNCRh

Сородичи: https://www.youtube.com/playlist?list=PLODSPLCgl5Gi6_YEWaJW23muwCvNH1b74
Watch us on satellite TV, YouTube and social networks. Leave your comments under this video!

Watch our top shows:

Trails of Nomads: https://www.youtube.com/playlist?list=PLODSPLCgl5Ggj1fNNK2ey-DGNtowG0kpE

Kokpar: https://www.youtube.com/playlist?list=PLODSPLCgl5GguHZNKYEvZr6RvFNxYNCRh

Qandastar: https://www.youtube.com/playlist?list=PLODSPLCgl5Gi6_YEWaJW23muwCvNH1b74

Видео Көнеден жеткен қоссаз домбыра Ресейдің музейінде сақтаулы тұр канала Qazaq TV