ಪ್ರೀತಿಯ ರಾಜಕಾರಣ: ಪ್ರೀತಿಯ ಗಾಳಿ ಬೀಸುತಿದೆ | A song of universal friendship

ಕರ್ನಾಟಕದ ಜೀವಪರ, ಮಹಿಳಾಪರ ಸಮಾನತೆ, ಸಾಮಾಜಿಕ ನ್ಯಾಯ, ಜಾತ್ಯತೀತ ಮತ್ತು ಪ್ರಜಾಸತ್ತಾತ್ಮಕ ಮೌಲ್ಯಗಳಲ್ಲಿ ನಂಬಿಕೆ ಇರುವ ಸಂಘಸಂಸ್ಥೆಗಳು ಹಾಗೂ ವ್ಯಕ್ತಿಗಳು ಒಗ್ಗೂಡಿ ರಚಿಸಿರುವ ಸೋದರಿತ್ವದ ಜಾಲ "ಕರ್ನಾಟಕ ರಾಜ್ಯ ಮಹಿಳಾ ದೌರ್ಜನ್ಯ ವಿರೋಧಿ ಒಕ್ಕೂಟ". ಪ್ರೀತಿಯ ರಾಜಕಾರಣವನ್ನು ಪ್ರತಿಪಾದಿಸುವ ಒಕ್ಕೂಟವು ನಡೆಸುವ ಲಿಂಗಸೂಕ್ಷ್ಮತಾ ಕಾರ್ಯಾಗಾರ `ಅರಿವಿನ ಪಯಣ’. ಅರಿವಿನ ಪಯಣದ ವೀಡಿಯೋ ಚಿತ್ರೀಕರಣವು ಶಿವಮೊಗ್ಗದಲ್ಲಿ 2022ರ ಜನವರಿ 1 ಮತ್ತು 2ನೇ ತಾರೀಕು ನಡೆಯಿತು. ಇಲ್ಲಿರುವ ವೀಡಿಯೋದಲ್ಲಿ ಪ್ರೀತಿಯ ರಾಜಕಾರಣ ಬಿಂಬಿಸುವ ʼಪ್ರೀತಿಯ ಗಾಳಿ ಬೀಸುತಿದೆʼ ಹಾಡಿದೆ.

ಕುಟುಂಬದ, ಮನೆತನದ, ಜಾತಿಯ ಮರ್ಯಾದೆ ಕಾಪಾಡುವವರು ಹೆಣ್ಣುಗಳು; ಹೆಣ್ಣುಮಕ್ಕಳು ಜಾತಿ ಮೀರಿದರೆ ಅವರನ್ನು/ಅವರ ಪ್ರೇಮಿಯನ್ನು ಕೊಂದಾದರೂ ತಮ್ಮ ಮರ್ಯಾದೆ ಉಳಿಸಿಕೊಳ್ಳಬೇಕೆಂದು ಜಾತಿಗ್ರಸ್ತ ಮನಸುಗಳು ಯೋಚಿಸುತ್ತಿರುವುದರಿಂದ ಮರ್ಯಾದಾಹೀನ ಹತ್ಯೆಗಳು ಸಂಭವಿಸುತ್ತಿವೆ. ಮನುಷ್ಯರು ತಮ್ಮ ಸುತ್ತ ಎಬ್ಬಿಸಿಕೊಂಡ ಕುಲ, ಮತಧರ್ಮ, ಜಾತಿ, ಉಪಜಾತಿಯೇ ಮೊದಲಾದ ಗೋಡೆಗಳು ಮಾನವೀಯತೆಗೆ, ಪ್ರೇಮಕ್ಕೆ ದೊಡ್ಡ ಸವಾಲಾಗಿವೆ. ವಿಶ್ವಮಾನವತ್ವದೆಡೆಗೆ ಸಾಗುವ ಯುವಪೀಳಿಗೆಯ ಕನಸುಗಳು ಇದನ್ನೆಲ್ಲ ದಾಟಬಯಸುತ್ತದೆ ಎಂಬ ಆಶಾಭಾವನೆ ಮೂಡಿಸುವಂತೆ ಈ ಗೀತೆಯಿದೆ.

Видео ಪ್ರೀತಿಯ ರಾಜಕಾರಣ: ಪ್ರೀತಿಯ ಗಾಳಿ ಬೀಸುತಿದೆ | A song of universal friendship канала ಕರ್ನಾಟಕ ರಾಜ್ಯ ಮಹಿಳಾ ದೌರ್ಜನ್ಯ ವಿರೋಧಿ ಒಕ್ಕೂಟ - KMDVO