QUSARLI ŞƏHİD TORPAĞA TAPŞIRILDI

Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan əsgər Şair Camal oğlu Heydərovun cənazəsi doğulduğu Qusar rayonuna gətirilib. Qəhrəman döyüşçü doğulub boya-başa çatdığı Mucuq kəndində torpağa tapşırılıb.
Şəhidin dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Qusar Rayon İcra Hakimiyyətinin rəsmiləri, rayon ictimaiyyətinin nümayəndələri və kənd sakinləri iştirak ediblər.
Dəfn mərasimində cıxış edənlər qeyd etdilər ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib. Hərbçilərimiz düşmənin təxribatın qarşısını qəhrəmanlıqla alıblar.
Sonra Şəhidin tabutu üzərinə çəkilmiş üçrəngli Azərbaycan bayrağı atasına təqdim edilib.
Qeyd edək ki, 24 yaşlı Şair Heydərov Azərbaycan Ordusunda müddətdən artıq həqiqi hərbi xidmət hərbi qulluqçusu idi.
#qusar #şehid #şehidimizvar

Видео QUSARLI ŞƏHİD TORPAĞA TAPŞIRILDI канала Qafqaz TV