YAP-çı deputat Elman Nəsirovla BAP sədri Elşad Musayevin debatı! CANLI

Pensiya siyasəti və təqaüdü kəsilən 100 min vətəndaşın etirazı hökuməti narahat etmirmi? Artıq iqtidar deputatları bu siyasəti, yanaşmanı və kəskin addımı sərt formada tənqid edirlər. Sosial gərginlik yarana və ölkədə idarə olunmaz durum yetişə bilər. Prosesin qarşısı alınmalıdırmı? Yeni pensiya siyasətinə korrektə olmalıdırmı? Olacaqmı? Dövlət illərlə pensiyaya öyrəşmiş kritik bir kütləni niyə narazı salır? Azərbaycanda siyasi narazılıqlar, siyasi amillər hakimiyyət üçün təhlükə yaratmır. Amma sosial gərginlik, narazılıq təhlükə yaradır. Bunu dövlət strukturlarının özləri də etiraf edir. Ağına-bozuna baxmadan kim qabaqlarına çıxdı, pensiyasını kəsirlər. Bunun içində qanunsuz pensiya düzəldib, dövlət əmlakını mənimsəyənlər də var. Lakin gerçək qazilərin, həqiqi əlillərin də çörəkparası, gözünü, ümidini dikdiyi vəsait dayandırılır. Müdaxilə olmasa yaxşı istiqamətə getməyəcək bu işlər. Bir yandan yaranmış narazılıq ayrı-ayrı qrupların, siyasi rəqiblərin işinə yarayır. Həmçinin Azərbaycanda sosial partlayış yaratmaq istəyən xarici qüvvələr üçün də münbit şərait yetişir. Bunum da nəticəsində təqaüdlərin kütləvi ləğvi nəticəsində qənaət olunan vəsaitdən 10 dəfələrlə artıq vəsait xərclənə bilər.

Bəzi deputatlarla bağlı yaranan yeni qalmaqallar nədən xəbər verir? Bir-birinin ardınca qanunsuzluqlara yol verən deputatlar parlamentin buraxılmasını sürətləndirirmi?

Makronun şillələnməsi bizim studiyadakı qonaqların gözündə necə görünür? İndiyədək pomidor, ayaqqabı, daş-kəsək atılan prezidentlər olmuşdu, amma bu cür yaxından təmas rast gəlinməmişdi.

Ermənistan mina xəritələrini vermir. Onu hansı yolla ələ keçirə bilərik? 1.Beynəlxalq təzyiqi təşkil etməklə. 2.Ermənistanı özümüz sıxışdırmaqla. Başqa nə kimi təkliflər var? Bəlkə Ermənistan xəritəni verməməklə bizim onlara qarşı yaxın gələcəkdə atacağımız addımı – konpensasiya davasını qabaqlamaq istəyir? Azərbaycan xəritə müqabilində Ermənistana nə verə bilər?

Видео YAP-çı deputat Elman Nəsirovla BAP sədri Elşad Musayevin debatı! CANLI канала TV Musavat