ЕҢБЕК: ҚҰҚЫҚ ПЕН ҚАУІПСІЗДІК «Жаңа қадам»

Бүгінгі эфирді еңбек құқықтары және қауіпсіздігіне арнамақпыз. Мәртебенің биіктігі құқықтардың қорғалуына байланысты. Жалпы жұмыс жағдайындағы әрекеттерді бақылайтын бізде еңбек кодексі бар. Ал ондағы талаптар қаншалықты еңбекте еленеді. Заңды көбіне кім бұзады? Жұмыскер ме әлде жұмыс беруші?... Қазір еңбек қауіпсіздігі неге өзекті болып барады? Жазылған заңдар толық орындалып жатыр ма? Әлде заңнамалық өзгерістер қажет пе? Жұмыс беруші мен жұмыскер тарапынан ескеріле бермейтін ережелер бар ма? Жұмыс уақытында Зардап шеккендердің ең көп саны тау-кен өндірісінде екен. 181 адам. Ал екіншісі құрылыс саласында. 134 адам. Әсіресе Елордада құрылыс қарқынды жүреді. Қаншалықты қауіпсіздік сақталады? Көбіне жұмыскерлер тарапынан талаптар еленбейтін секілді? Мәселен өткен жылы жұмыс берушілерге жалпы сомасы 301 млн. теңге көлемінде 1 814 әкімшілік айыппұл салынған. Айыппұл қауіпсіздікті күшейте ала ма? Бір оқиға бола қалса, жұмыскер де жауапқа тартыла ма? Еңбек дауы қалай шешіледі? Қазақта «жайлы жерде жатсаң, жақсы түс көресің» деген сөз бар. Иә, жақсы, жайлы, қауіпсіз жерде жұмыс істесең, еңбек те рәтті болмай ма? Бірақ, рәтті еңбектен бұрын адамның өмірі бірінші орынға қойылуы керек. Біздің Ата заңда солай! Мұны әр жұмыс беруші де ұмытпаса екен!

Видео ЕҢБЕК: ҚҰҚЫҚ ПЕН ҚАУІПСІЗДІК «Жаңа қадам» канала EL ARNA