ЫЙМАН деген эмне?

Ыйман деген эмне?
Ыйман сөзү арап тилинен алынган. Бизче которгондо “ишенүү, ынануу” дегенди билдирет. Ыйман дегенде биз көбүнчөсү ичпеген, чекпеген, жаман жолго баспаган, түз жүргөн же болбосо адеп-ахлагы, кулук-мүнөзү жакшы адамдарды түшүнөбүз. Түпкү маанисине караганда бизге сиңип калган маанисин көбүрөөк колдонобуз. Туура, алар ыймандын бир бөлүгүн чагылдырышы мүмкүн, бирок толук ыймандуу дегендикке жатпайт. Аты атып тургандай ыйман бул – ишенүү. Динибизде ыймандын алты негизи бар. Алар – Аллахка ишенүү, пайгамбарларга ишенүү, кайра тирилүүгө ишенүү, периштелерге ишенүү, акыреттин бар экендигине ишенүү жана тагдырга ишенүү. Ушул алты нерсе динибиздин түркүгү, пайдубалы болуп эсептелет. Булардын эң башында – Аллахка ишенүү турат. Аны Аллахка ыйман келтирүү деп айтабыз. Андан кийин пайгамбарларга, өлгөндөн кийин кайра тирилүүгө ишенүү ушинтип кезектешип кете берет. Ошондуктан биз үчүн эң биринчи үйрөнө турган илим – бул ыйман илими. Аллахты таануу илими. Себеби ыйман илими – илимдердин шахы жана падышасы болуп эсептелет. Эмне үчүн ыйман илими зарыл дечү болсоңуз бул кылымда дин жана исламият душмандары алгач ыймандын негиздерин алсыратуу жана аларды жок кылуу планын биринчи кезекке коюууда.

Видео ЫЙМАН деген эмне? канала БЕЙИШ НУРУ