22/1/2024 خىتايدىن كەلگەن يالغان چاچلار ئۇيغۇر ئاياللىرنىڭ چېچىدىن ياسىلامدۇ؟

كۈندىلىك مۇھىم خەۋەرلەر

خىتايدىن كەلگەن يالغان چاچلار ئۇيغۇر ئاياللىرنىڭ چېچىدىن ياسىلامدۇ؟
دۇنيادا تەخمىنەن 30 مىليارد دوللارلىق بازىرى بار بولغان «قارا ئالتۇن» دەپ ئاتىلىدىغان يالغان چاچلارنىڭ بىر قىسمىنىڭ شەرقىي تۈركىستاندىكى جازا لاگېرلىرىغا قامالغان ئۇيغۇر ئاياللىرىنىڭ چېچىدىن ياسالغانلىقى ئىلگىرى سۈرۈلمەكتە. يالغان چاچ ئەرزان ھەم كۆپلەپ ئىشلەپچىقىرىدىغان بولغاچقا، خىتاي دۇنيا چاچ بازىرىدا بىرىنچى ئورۇندا تۇرماقتا ئىكەن. لاگېر شاھىتلىرىنىڭ ئېيتىشىچە، شەرقىي تۈركىستاندا لاگېرغا قامالغان ئايللارنىڭ چاچلىرى چۈشۈرۈۋېتىلىدىغان بولۇپ، مۇتەخەسسىلەر بۇنى يالغان چاچ سانائىتىنىڭ مەنبەسى دەپ قارىغان. شۇنداقلا، لاگېرغا قامالغان ئاياللارنىڭ چاچ زاۋۇتلىرىدا مەجبۇرىي ئەمگەككە سېلىنىشىمۇ بۇ ئەندىشىنى كۈچەيتكەن. يەنە بىر تەرەپتىن، ئامېرىكا سودا مىنىستىرلىكىنىڭ خەۋىرىگە قارىغاندا، ئۇلار يېقىندا خىتايدىن تەمىنلەنگەن يالغان چاچ ۋە بۇنىڭغا ئالاقىدار مەھسۇلاتلارنىڭ جازا لاگېرلىرىغا تاشلانغان ئۇيغۇر ئاياللىرىغا تەۋە ئىكەنلىكىنى بېكىتكەن.

قازاقىستاندىكى «‹ئۇيغۇر ئاۋازى› گېزىتىنىڭ مۇشتەرىلىرى 20 مىڭدىن ئاشقان
قازاقىستاندا ئۇيغۇر تىلىدا چىقىدىغان ئەڭ چوڭ گېزىت - «ئۇيغۇر ئاۋازى» نىڭ مۇشتەرى سانى 20 مىڭدىن ئېشىپ، قازاقىستاندىكى ئوقۇرمەنلىرى ئەڭ كۆپ گېزىتلەرنىڭ بىر سۈپىتىدە ئورۇن ئالماقتا. قازاقىستاندا ئۇيغۇر تىلىدا چىقىدىغان ۋە ئۆزىنىڭ ئۇزۇن تارىخى جەريانى بولغان مەتبۇئاتلارنىڭ بىرى «ئۇيغۇر ئاۋازى» گېزىتى بولۇپ ھېسابلىنىدۇ. بۇ گېزىت 1957-يىلدىن بۇيان «كوممۇنىزم تۇغى» نامى بىلەن نەشر قىلىنىپ كەلگەن بولۇپ، سوۋېت ئىتتىپاقى يىمىرىلىپ قازاقىستان مۇستەقىل بولغاندىن كېيىن، نامى «ئۇيغۇر ئاۋازى» غا ئۆزگەرتىلگەن. ھازىر بۇ گېزىت «قازاق گېزىتلىرى بىرلەشمىسى» گە كىرگەن بولۇپ، ئۇ ھەپتىسىگە بىر قېتىم چىقىدىغان جۇمھۇرىيەتلىك جەمئىيەتلىك-سىياسىي گېزىت بولۇپ ھېسابلىنىدىكەن. بۇنىڭدىن بىر يىل ئىلگىرى مەزكۇر گېزىتنىڭ مۇشتەرىلەر سانى 16320 گە يەتكەن ئىدى. بۇ يىل، يەنى 2024-يىلى بولسا مەزكۇر گېزىتنىڭ مۇشتەرى سانى 20 مىڭدىن ئاشقان.

خىتايدىن روسىيەگە زەربە: دوللارغا ئالاقىدار سودا توختىتىلدى
ئامېرىكا ھۆكۈمىتى ئۆتكەن ئايدا رۇسىيەگە قارىتىلغان جازاغا خىلاپلىق قىلغان چەتئەل بانكىلىرىغا بولغان كونتروللۇقنى كۈچەيتىدىغانلىقىنى ئېلان قىلغاندىن كېيىن، خىتاي بانكىلىرى ئىمبارگوغا ئۇچراش ئەندىشىسى سەۋەبلىك رۇسىيە شىركەتلىرى بىلەن دوللار ئارقىلىق پۇل تۆلەشنى ۋاقتىنچە توختاتقان. روسىيە سودا-سانائەتچىلەر تەشكىلاتىنىڭ ۋەكىللىرى ئىزۋېستىيا گېزىتىگە، بۇ قاراردىن كېيىن، خىتاي بانكىلىرىنىڭ رۇسىيە شىركەتلىرى بىلەن ئالاقىدار دوللار يۆتكەشنى ۋاقتىنچە توختاتقانلىقىنى بىلدۈرگەن. بىلۇمبېرگ ئاگېنتلىقى يەنە ئاز دېگەندە ئىككى خىتاي بانكىسىنىڭ يېقىنقى بىر نەچچە ھەپتە ئىچىدە روسىيەدىن كەلگەن بارلىق كارخانا خېرىدارلىرىنىڭ ھېساباتىنى تەكشۈرۈشكە باشلىغانلىقىنى خەۋەر قىلدى. خەۋەرگە قارىغاندا، بانكىلار ئىمبارگوغا ئۇچىرغان شىركەتلەر ياكى بۇ شىركەتلەر بىلەن مۇناسىۋىتى بار كىشىلەر بىلەن بولغان مۇناسىۋەتنى ئاخىرلاشتۇرماقچى بولغان.

قىرغىزىستاندا بالىلارغا ئالاقىدار ئانا تىلىدىكى ماتېرىياللارنىڭ كەمچىللىكى تالاش-تارتىش قوزغىدى
قىرغىزىستاننىڭ پايتەختى بىشكەكتە بالىلار ئۈچۈن قىرغىز تىلىدىكى ماتېرىياللارنىڭ كەملىكى ۋە سۈپىتى ئاممىۋى مۇنازىرە قوزغىدى. قىرغىزىستاننىڭ پايتەختى بىشكەكتە «بالام ئۈچۈن قىرغىزچە مەزمۇن» ناملىق مۇنازىرە شەكلىدىكى پائالىيەت ئۆتكۈزۈلگەن بولۇپ، بالىلارغا قىرغىغچە مەزمۇنىنىڭ كەمچىللىكى مۇزاكىرە قىلىنغان. 20-يانۋار «تۇرار» نەشرىياتى تەرىپىدىن ئۇيۇشتۇرۇلغان بۇ پائالىيەتكە تىلشۇناسلار، يازغۇچىلار، ئالىملار، بالىلار مائارىپچىلىرى، مەزمۇن ئىشلەپچىقارغۇچىلار ۋە نۇرغۇن ئائىلىلەر قاتناشقان.

شىمالىي كورىيەدە ئىككى بالا كورىيەنىڭ تېلېۋىزىيە تىياتىرلىرىنى كۆرگەنلىكى ئۈچۈن تۈرمىگە تاشلاندى
شىمالىي كورىيەدە 16 ياشلىق ئىككى بالا كورىيەنىڭ تېلېۋىزىيە تىياتىرلىرىنى كۆرگەنلىكى ئۈچۈن تۈرمىگە ۋە 12 يىل جاپالىق ئەمگەككە ھۆكۈم قىلىندى. 1-ئاينىڭ 21-كۈنى شىمالىي كورىيە مۇساپىرلىرى بىلەن ھەمكارلاشقان تەرەققىيات تەتقىقات ئورنى تەرىپىدىن ئېلان قىلىنغان كۆرۈنۈشلەردە، شىمالىي كورىيەدە كورىيەنىڭ تېلېۋىزىيە تىياتىرلىرىنى كۆرگەنلىكى ئۈچۈن سوتلانغان ئىككى ياشنىڭ بىر تەنتەربىيە مەيدانىدا يۈزلىگەن ئوقۇغۇچىلارنىڭ ئالدىدا ئوچۇق سوتلانغانلىقى كۆرسىتىلگەن.

فلورىدا شىتاتىنىڭ باشلىقى دېسانتىس ئۆزىنىڭ پرېزىدېنت سايلىمى رىقابىتىدىن چېكىنىدىغانلىقىنى ئېلان قىلدى
ئامېرىكىدا فلورىدا شىتاتىنىڭ باشلىقى رون دېسانتىس ئۆزىنىڭ 2024-يىلدىكى پرېزىدېنت سايلىمىغا كاندىداتلىقتىن چېكىنىدىغانلىقىنى ئېلان قىلدى. ئۇ جۇمھۇرىيەتچىلەر پارتىيىسىنىڭ نامزاتى سابىق پرېزىدېنت دونالد ترامپقا يەنە بىر قېتىم پۇرسەت بېرىشنى خالايدىغانلىقىنى ئەسكەرتىپ مۇنداق دېدى: «كوۋىد -19 يۇقۇمى ۋە ئۇنىڭ ئانتونىي فاۋچىنى تاللىشى سەۋەبىدىن دونالد ترامپ بىلەن بەزى ئىختىلاپلىرىمىز بولدى. ئەمما، تىرامپنىڭ ھازىرقى پرېزىدېنت جوۋ بايدىندىن ياخشى ئىكەنلىكى ئېننق».
#haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghur#haber #gündem #Turkey #news #uygur #uyghur #xerkiturkistan #sherkiturkistan #turkistan #turk #uygurturk #uyghurhewer #hewer #hawar #uygurhewer #уйғур #uyghursot #sot #uyghurtribunal #londonsot #refkatuyghur

Видео 22/1/2024 خىتايدىن كەلگەن يالغان چاچلار ئۇيغۇر ئاياللىرنىڭ چېچىدىن ياسىلامدۇ؟ канала Rafkat Uighur