ԱՆԵԾՔ-ԿԱԽԱՐԴԱՆՔ ԹԵ ՕՐՀՆՈՒԹՅՈՒՆ-ԱՂՈԹՔ: ՀՈԳԵՎՈՐ ԶՐՈՒՅՑ ՏԵՐ ԱՌՆԱԿ ՔԱՀԱՆԱ ՀԱՐՈՒԹՅՈՒՆՅԱՆԻ ՀԵՏ:

ԱՆԵԾՔ-ԿԱԽԱՐԴԱՆՔ ԹԵ ՕՐՀՆՈՒԹՅՈՒՆ-ԱՂՈԹՔ:
ՀՈԳԵՎՈՐ ԶՐՈՒՅՑ ՏԵՐ ԱՌՆԱԿ ՔԱՀԱՆԱ ՀԱՐՈՒԹՅՈՒՆՅԱՆԻ ՀԵՏ:
Չար նշանակում է չ արարված, այսինքն այն չի արարվել Աստծո կողմից: Դա երևույթ է, որն առաջանում է նրա մոտ ով հակառակվում է Աստծուն:
Հիվանդություններն ու բոլոր խնդիրները մեր կյանքում առանց Աստծո գիտության չի լինում: Դրա համար ամեն նեղության մեջ պետք է ասել Փառք Աստծո, քանի որ դա գալիս է իրեն ամրացնելու իր հավատքի ու համբերության մեջ: Եթե մարդը նույնիսկ մահանա այդ հիվանդության մեջ դա չի նշանակում որ հոգին կորստյան մեջ է, որովհետև մեզ համար մահը կորուստ է, բայց ոչ Քրիստոսով հաղթված վիճակ:
Տեխնիկական լուծում չկա թուղթ ու գրից ազատվելու: Բացարձակ չպիտի հետաքրքրի ձեզ թուղթ ու գրի կամ անեծքի ներկայություն ձեր կյանքում, այլապես Քրիստոսի ներկայությունն ուր մնաց: Դրա համար մենք միշտ պետք է խոսենք ոչ թե չարից այլ Աստծուց:
Աստված ասում է ՍԵՐ և ՎՍՏԱՀՈՒԹՅՈՒՆ: Մեզ չի պաշտպանում ոչ մի ուլունք և կարմիր թել, այլ Տիրոջ խաչի նշանը, որը մեր ջերմության արտահայտությունն է: Ամեն ինչ որ մեր կյանքում լինում է դա մեր սիրո և վստահության փորձությունն է: Ոչ մեկի անեծքը թող ձեզ չանհանգստացնի, եթե դա Սուրբ Գրքի խոսքը չէ:
Կարևոր չէ ինչ նյութական բարիքներով ես քո պաշտպանության նշանը ստանում քեզ ապահովելու համար, կարևոր է թե ինչ հոգևոր բարիքներով ես այն հարստացնում քո կյանքի մեջ:
Այն մարդն ով հոգևոր զարթոնքի մեջ է, նա երբեք գուշակների գայթակղության մեջ չի ընկնի:
Ամեն մարդ ինքն իրեն է թուղթ ու գիր անում, երբ որ մեղք է գործում: Փառք Աստծո մենք հնարավորություն ունենք ամեն կիրակի եկեղեցում Սուրբ Պատարագին ազատվել այդ մեղքի կապանքից:
Չար ուժը ոչինչ է Քրիստոսի ունեցած փրկության դեմ: Հետևաբար այդ անեծքին գալիս է օրհնությունը, դրա համար Տերն ասում է “Օրհնեցեք ձեզ անիծողին”, դրա համար պետք է խնդրեք “Տեր օրհնիր և շտկիր բոլոր նրանց ովքեր ինձ հակառակվում են”: Աղոթեցեք միմյանց համար: Աղոթքն ամենից զորավորն է, եթե տան մեջ կա մի հոգի աղոթող այդ տունը փրկված է:
Չկա ավելի մեծ պաշտպանություն քան մեր տեր Հիսուս Քրիստոսն է, անընդհատ աղոթեք և հաղորդվեք Սուրբ Պատարագներին: Մարդու մեջ մեծ մեղք չի կարող լինել, եթե կա Քրիստոսի ներկայությունը:
Տերն է իմ Լույսն ու Փրկությունը, Ես ումի՞ց եմ վախենում, Տերն է իմ կյանքի ապավենը,Ես ումի՞ց եմ դողում: Սաղմոս 27.1.
Մեջբերում Տեր Առնակ քահանա Հարությունյանի հոգևոր զրույցից

Видео ԱՆԵԾՔ-ԿԱԽԱՐԴԱՆՔ ԹԵ ՕՐՀՆՈՒԹՅՈՒՆ-ԱՂՈԹՔ: ՀՈԳԵՎՈՐ ԶՐՈՒՅՑ ՏԵՐ ԱՌՆԱԿ ՔԱՀԱՆԱ ՀԱՐՈՒԹՅՈՒՆՅԱՆԻ ՀԵՏ: канала Arman Balyan Zhorai