ნინო ნაკაშიძე - როგორ დავწეროთ ესე?

არგუმენტირებული ესე - ნიმუში
საზოგადოების ნაწილი მიიჩნევს, რომ თვითმკვლელობა უიშვიათეს შემთხვევაში საუკეთესო გამოასავალია.

21-ე საუკუნეში თვითმკვლელობის საკითხი, მართლაც აქტუალურია. ეს არამარტო საქართვლოს, არამედ თანამედროვე მსოფლიოს უდიდესი პრობლემაა. რა არის სუიციდი? საკუთარი სიცოცხლის ხელყოფა.

ჩემი აზრით, თვითმკველობა საერთოდ არაა გამოსავალი და მითუმეტეს საუკეთესო, მიმაჩნია, რომ ეს გაქცევის საუკეთესო საშუალებაა, პრობლემები კი გაქცევით არ გვარდება. აქვს თუ არა ადამიანს უფლება საკუთარ თავს სიკვდილის განაჩენი გამოუტანოს? ვფიქრობ რომ არა, რადგან როცა ადამიანი იბადება მას არავინ ეკითხება: გინდა თუ არა სიცოცხლე, სად გინდა დაიბადო, რომელ საუკუნეში... ე.ი , რაღაც მხრივ ადამიანი შეზღუდულია.

ალბათ, ყველა ადამიანს გვიფიქრია ერთხელ მაინც თვითმკვლელობაზე... ფილმში - "ეს მშვენიერი ცხოვრება" სწორედ ესაა გადმოცემული. მთავარი გმირი ერთ დღესაც იღლება ცხოვრებით და თვითმკვლელობას გადაწყვეტს, ფილმში ნაჩვენებია თუ რა მოხდებოდა ის რომ არ დაბადებულიყო. საბოლოოდ, მთავარი პერსონაჟი ხვდება, რომ ცხოვრება მშვენიერია. ნარკოტიკის მიღება, არაჯანსაღი წესით ცხოვრება იგივე თვითმკვლელობაა. ჯანდაცვის მსოფლიო ორგანიზაციის ცნობით ყოველწლიურად ერთ მილიონზე მეტი ადამიანი იკლავს თავს და რა? პრობლემები აღარ არსებობს?
ასევე ქრისტიანული რელიგია გვასწავლის, რომ უფალმა მოგვანიჭა ადამიანებს სიცოცხლე და ჩვენ არ გვაქვს მისი მოკვდინების, ხელყოფის უფლება. რელიგიური კუთხითაც თვითმკვლელობა უდიდესი ცოდვაა. ასეთ დროს, ხშირ შემთხვევაში, მიცვალებულს წესსაც არ უგებენ. თუ იუდას მაგალითს გავიხსენებთ, ეს ნათელი დადასტურებაა იმისა, რომ თვითმკვლელობა გაუმართლებელია. მას შეეშალა, პეტრესაც და ყველას გვეშლება რაღაც, მაგრამ მთავარია იმედი არ დავკარგოთ და შეცდომას უფრო დიდი შეცდომა არ დავუმატოთ.

მედალს ორი მხარე აქვს შესაბამისად ყველა მოვლენას აქვს დადებითი და უარყოფითი მხარე. სუიცისის დადებითი მხარეა ის, რომ ადამიანმა აასრულა თავისი ნება. უარყოფითი მხარე კი, რა თქმა უნდა,უფრო მეტია მან დაკარგა შანსი ყოფილიყო ბედნიერი და ეცოცხლა...

ძველ დროში ჩინეთში ,როდესაც ყმას ბატონს უკლავდნენ ის დგებოდა მუხლებზე და „ხარაკირს ასრულებდა“ ანუ მუცელს იფატრავდა- თავს იკლავდა, რადგან მას არ მიაჩნდა თავი სიცოცხლის ღირსად. მე ვფიქრობ, რომ ამ შემთხვევაში მითუმეტეს არ არის გამართლებული თვითმკვლელობა. დღესდღეობით ადამიანთა უმრავლესობა გარკვეული პრობლემების გამო იკლავს თავს, პრობლემის რომელთა გადაჭრა სხვა გზითაც შესაძლებელია. მომავალში, ვფიქრობ უფრო მეტი ადამიანი გადახედავს წარსულს და აღმოაჩენს, რომ ძლიერია ის ვინც რთულ სიტუაციაშიც პოულობს გამოსავალს და არა ის ვინც გარბის.

ზემოაღნიშნული მსჯელობიდან გამომდინარე არ არსებობს არცერთი მიზეზი, რის გამოც ადამიანმა შესაძლოა სიცოცხლე დათმოს და ცხოვრება თვითმკვლელობით დასასრულოს.

Видео ნინო ნაკაშიძე - როგორ დავწეროთ ესე? канала Nino Nakashidze