Малик Аликеев эстафетаны акын Кыялбек Урманбетовго узатты

Сөзү: Байдылда САРНОГОЕВдики
Обону: Түгөлбай КАЗАКОВдуку
Аткаруучу: Малик АЛИКЕЕВ

ЭСЕН БОЛ
Көп кыздын арасында өзүң гана,
Көктөгү жанып турган Чолпон элең.
Кокустан кир жугузуп аламбы деп,
Колумду тийгизгенден коркоор элем.

Көп кыздын арасында балбал жанып,
Көздөрүң жарык чачкан жакут эле,
Агай деп акак тишиң жаркыратып,
Мен үчүн бир жылмаюуң бакыт эле.

Сүйчү элем мөлтүр булак сезим менен,
Сезимди сездирбедим көзүм менен.
Тили жок махабатым ичте калды,
Дүйнөдө ким бар дейсиң өкүнбөгөн…

Жаш кезде кимдер гана жаңылбасын…
Жанымда жок болсоң да жанымдасың…
Эңсесем эми сени көрмөк кайда,
Эсен бол кайда жүрсөң карындашым.

Видео Малик Аликеев эстафетаны акын Кыялбек Урманбетовго узатты канала Алакан TV