Имомали Раҳмоннинг навбатдаги ҳийласи

Имомали Раҳмоннинг навбатдаги ҳийласи

Авф этилган маҳбуслардан 1060 нафари озодликка чиқди. Жорий йилги мазкур авф бӯйича қамоқхоналарда жазо муддатини ӯтаётган 3 минг нафар маҳбуснинг озодликка чиқиши кӯзда тутилган. Умуман эса, Тожикистон Президенти имзолаган «Авф ҳақида»ги қонун 20 минг нафардан ортиқ кишига нисбатан қӯлланилади. Жумладан, у иши терговга оширилган, судда кӯрилаётган кишиларга нисбатан ҳам қӯлланилади. Қамоқдаги минглаб кишиларнинг жазо муддатлари қисқартирилади.
Таҳлилчиларнинг фикрича, жорий йилги Президент авфи Тожикистон мустақиллиги пайтида эълон қилинган, энг кӯп гумондор, айбланаётган ва қамоқхоналарда жазо муддатини ӯтаётган кишиларга нисбатан қӯлланилаётган энг катта авф саналади. Бундан олдин 2001-йилда 20 минг 400 нафардан ортиқрок кишига нисбатан умумий авф қӯлланилганди. Мамлакат Конститутциясининг 25-йиллиги муносабати билан эълон қилинган авф татбиқ қилинишининг дастлабки кунида биринчи бӯлиб Душанбе шаҳридаги махсус қамоқхона, ӯсмирлар ахлоқ тузатиш колонияси, Норакдаги аёллар қамоқхонаси ва Ёвондаги турмада жазо муддатини ӯтаётган ӯсмирлар, аёллар ва эркаклар озод қилиндилар. Жумладан, 165 нафар аёл ва 60 нафар ӯсмир озодликка чиқди.
Расмийларнинг хабар беришларича, жорий авф Тожикистонда таъқиқланган турли фирқа ва ҳаракатларга қӯшилганликда айбланган кишиларга нисбатан ҳам кенг қӯлланилган. Аллақачон улардан юз нафардан ортиғи озодликка чиққан.
Тожикистонда 2016 йил май ойида мамлакат конституциясига ўзгартиришлар киритиш бўйича умумхалқ референдуми бўлиб ўтганди. Конституциянинг 41 - бандига ўзгартириш киритишни назарда тутган референдум президент Имомали Раҳмон ҳокимиятини амалда янада мустаҳкамлашга қаратилган эди. Конституцияга киритилган энг муҳим ўзгаришлар жумласига Раҳмон президентлик муддатидаги чекловни олиб ташлаш, президент бўлиш учун белгиланган ёшни озайтириш ва диний эътиқодга асосланган сиёсий партияларни тузишни тақиқлаш киради.
Президент муддатидаги чекловни олиб ташлашга оид конституциявий банд фақат Имомали Раҳмонга тааллуқли бўлган. Референдумда халқ конституцияга ўзгартиришлар киритишни ёқлаб овоз берган.
Имомали Раҳмоннинг навбатдаги президентлик муддати 2020 йилда ниҳоясига етади. Маҳбусларни оммавий равишда авф этилиши шу сайловларга боғлиқ бўлиши мумкин. Бу билан Имомали Раҳмон ҳалқни ишончига киришга ҳаракат қиляпти. Президентлик мансабидан воз кечишни истамаган Имомали навбатдаги сайловларда яна номзодини илгари суриб, ҳукмронлигини давом эттирмоқчи.

Видео Имомали Раҳмоннинг навбатдаги ҳийласи канала Central Asia Media