Туркманистон президенти оч халқига, катта партияда машина тақдим этмоқчи

Туркманистон президенти оч халқига, катта партияда машина
тақдим этмоқчи

10-октябрь куни Ашхободда Мустақил давлатлар Ҳамдўстлиги мамлакатлари ташқи ишлар вазирлиги кенгашининг йиғилиши бошланди. Учрашув тор доирадаги масалаларни муҳокама қилиш билан бошланди. Вазирлар Ҳамдўстликка аъзо давлатлар ташқи ишлар вазирликлари ўртасидаги шерикликни кучайтириш бўйича ҳаракатлар дастурини қабул қилишлари, келгусида имзоланадиган ҳужжатлар бўйича келишиб олишлари керак, деб хабар беради давлат ахборот агентлиги.
Учрашув давомида шунингдек, Туркманистон, Қозоғистон ва Ўзбекистон ташқи ишлар вазирликлари делегациясининг уч томонлама учрашуви кутилмоқда.
Учрашув нафақат ташқи ишлар вазирлиги, балки президентлараро ҳам бўлиб ўтди. Россия, Қозоғистон, Тожикистон, Малдова, Ўзбекистон, Озарбайжон президентлари учрашди. Ҳар галгидай учрашувда бир қатор ҳужжатлар имзоланди. Терроризм-экстремизмга қарши кураш, давлатлараро ҳамкорликни кучайтириш ва шу кабилар. МДХ раҳбарлари кенгаши мажлисида Россия президенти Путин киберхавфсизлик соҳасида қўшма баёнот билан чиқди.
Инсонларнинг шахсий ҳаётига зид равишда, Туркманистон разведка идоралари ўз фуқароларини интернетдаги фаолиятини кузатади. Бу кузатувлар эса, адабий тил билан айтилганда “Киберхавфсизлик” деб аталади. Шу билан бир қаторда Путин Туркманистон президентига "Aurus" автомобилларини етказиб бериш масаласини муҳокама қилишди.
“Россия ва Туркманистон ўртасидаги муносабатлар жуда муваффақиятли ривожланмоқда.Ўтган йилги стратегик шериклик тўғрисидаги шартнома амал қила бошлади ва ижобий натижалар берди. Мен буни Россия-Туркманистон муносабатлари учун жуда муҳим деб биламан. Натижа кўриниб турибди. Шу йилнинг дастлабки етти ойи давомида савдо ҳажми 62 фоиздан ошди”,-деди Россия президенти.
Кўриниб турибдики, учрашувларда яна раҳбарларнинг манфаатлари бўйича масалалар ҳал қилинди. Раҳбарлар медаллар билан бир-бирини тақдирлади ва спорт соҳасига ҳам эътибор қаратиб ўтдилар. Туркманистон президенти халқи оч бўлишига қарамасдан “Катта Ака”сини рози қилиш учун катта партияда машина сотиб олмоқчи.

Видео Туркманистон президенти оч халқига, катта партияда машина тақдим этмоқчи канала Central Asia Media