Озиқ овқатга пули йўқ туркман халқи...

Озиқ-овқатга пули йўқ туркман халқи, энди қоғозбозликка пул
сарфлайдиган бўлди

Туркманистонда давлат корхоналарида фаолият олиб бораётган фуқароларнинг ойлик маошлари кечикишда давом этмоқда. Бу ҳақда «Хроника Туркменистана» хабар қилди.
Хабарга кўра, Лебоб вилоятининг Туркманобод туманидаги дўконларда сотувчилар харидорларга қарзга маҳсулот сотишни истамаяпти. Истеъмолчилар эса маошлари кечикаётгани туфайли дўкондаги аввалги қарзларини ҳам тўлай олмаяпти.
Оилалардаги иқтисодий инқироз сабаб нон, ун, қанд ва тухум арзон бўлган давлат дўконларида ушбу маҳсулотларни олиш учун навбатда туришлар кўпайган. Аммо аввал хабар қилинганидек, аҳоли кўп истеъмол қиладиган ушбу зарур товарлар ҳали ҳам дўконларга кам олиб келинмоқда.
Давлат дўконларининг директорлари, харидорларнинг сонини камайтириш мақсадида ота-оналари келишини талаб қилиб, болаларга маҳсулотларни сотишни таъқиқлаган. Бундан ташқари, улар харидорлардан ҳар ҳафта уй хўжаликларидан оила таркиби тўғрисида маълумотнома олиб келишни талаб қилишмоқда. Уй маъмуриятларидаги барча сертификатлар иккидан йигирма манатгача тўланади. Пул йўқ, лекин барибир ҳар ҳафта учун сертификатлар сотиб олиниши керакми?- дейди Химик микрорайонининг ғазабланган аҳолиси.
Гагарин микрорайонининг хусусий дўкон эгаси қалин дафтарни кўрсатди, унда харидорларнинг қайси маҳсулотни қанча олгани ва қарзлари қайд этилган. -Мен ҳам улгуржи сотувчилардан мол сотиб олишим керак. Аммо пул йўқ, уларга дафтарни олиб бориб кўрсатмайманку,- дейди у.
1-ноябрдан бошлаб эса, Ашхободдаги такси ҳайдовчиларининг кунлик даромад режаси оширилди. Энди навбат тугагандан сўнг, таксичи кассирга 280 манат пулни топшириш керак.
Ўтган йили даромад режаси 50 дан 100 манатгача кўтарилди. Шундан сўнг, ҳайдовчиларнинг аксари ишдан бўшаб кетган эди. Туркман ҳукумати ўз халқига ҳечқайси давлатда кўрилмаган қонунларни жорий қилиб, аҳолини жуда ночор ҳолатга келтириб қўйди.

Видео Озиқ овқатга пули йўқ туркман халқи... канала Central Asia Media