Суд қолдирилди. Юнусободдаги ерни текинга олган ширкат президент куёви б-н алоқаларини рад этмоқда

Тошкент шаҳар ҳокимининг қарори устидан шикоят қилган 80 дан ортиқ тадбиркорнинг аризасини кўриб чиқаётган Чилонзор туман маъмурий суди 2 декабрь куни эълон қилиниши кутилган қарорини номаълум муддатга қолдирди.

Юнусободнинг халқ тилида Универсам деб аталадиган ҳудудида фаолият олиб борадиган тадбиркорлар ҳоким Жаҳонгир Ортиқхўжаевнинг ўз дўкон ва хизмат кўрсатиш муассасалари жойлашган 6 гектар ерни Urban Developers МЧЖга бериш қарорини бекор қилиш сўрови билан судга ариза топширган.

Чоршанба куни суд Ортиқхўжаев қарорини кучда қолдириш ëки уни бекор қилиш юзасидан ўз қарорини эълон қилиши кутилганди.

Озодлик суриштируви кўпчиликка маълум бўлмаган Urban Developers МЧЖнинг президент Шавкат Мирзиëевнинг тўнғич куëви Ойбек Турсуновга тегишли ширкат билан алоқаларини ўртага чиқарди.

2 декабрь куни Озодликка юборган ëзма “Раддия”сида мазкур МЧЖ раҳбари Ансор Набераев компаниянинг Ойбек Турсунов билан алоқаларини қатъиян рад этди.

Қарорсиз суд
2 декабрь¸ чоршанба кунининг иккинчи ярмида Чилонзор туман маъмурий судида Юнусобод туманида фаолият кўрсатаëтган тадбиркорлар берган шикоят аризаси юзасидан биринчи инстанция судининг қарори эълон қилиниши белгиланган эди.

Суд Тошкент шаҳар ҳокими Жаҳонгир Ортиқхўжаевнинг 2019 йил 31 декабрь куни Юнусободдаги 100 га яқин тадбиркорга қарашли савдо ва хизмат объектлари жойлашган 6 гектарлик ҳудудни Urban Developers МЧЖга бериш қарорининг қонуний ёки йўқлиги юзасидан ажрим чиқариши кутилаётганди.

Видео Суд қолдирилди. Юнусободдаги ерни текинга олган ширкат президент куёви б-н алоқаларини рад этмоқда канала Ozodlik Radiosi