Сергели, Чирчиқ ва Қибрай туманларида уй қурганлар пули берилмаëтганидан шикоят қилди

Тошкент шаҳрининг Сергели¸ Тошкент вилоятининг Чирчиқ ва Қибрай туманларида турар жойлар қурилишида ишлаган ишчилар уларни ишлатган фирма шу кунгача иш ҳақларини бермаëтганидан шикоят қилди.

Ишчиларнинг айтишича¸буюртмачи фирма ҳисобига пулларни аллақачон ўтказиб берган¸ аммо фирма ишчиларга турли баҳоналарни рўкач қилиб¸ меҳнат ҳақини бермаяпти.

Пулни бермаëтган фирма “Stonе-art” эканлигини айтаëтган ишчиларга кўра¸ улар қурган уйларга аҳоли кўчиб келиб яшаяпти¸ аммо пулдан ҳалигача дарак йўқ.

Республиканинг турли вилоятларидан келиб ишлаган ишчилар сентябр ойида ўз иш ҳақларини ундириб беришларини сўраб, Ички ишлар вазири Пўлат Бобожоновга мурожаатнома йўллашган. Мурожаатнома эса кўриб чиқиш учун Чирчиқ шаҳар ИИБга юборилган.

Бригадирларга кўра¸ улар ишни бошлашдан олдин Стон арт фирмаси билан шартнома имзолаган. Агар шартнома бор бўлса¸ нима учун улар судга мурожаат қилишмаяпти?

Stone art фирмасида фаррош бўлиб ишлаганини айтган аëллардан бирига кўра¸ у 9 ойдан бери 10 миллион сўм пулини ололмаяпти. Кўпгина жойга мурожаат қилган¸ аммо натижа бўлмаган.

Стоне арт фирмасига прораб бўлиб ишга кирган ишчининг айтишича¸ қурилишни май ойида тугатишган¸ пул эса ҳалигача йўқ. Чирчиқ шаҳар ИИБ терговчиси сўраган барча ҳужжатлар етказиб берилган¸ аммо терговда ҳеч қандай силжиш йўқ.

Видео Сергели, Чирчиқ ва Қибрай туманларида уй қурганлар пули берилмаëтганидан шикоят қилди канала Ozodlik Radiosi