ԱԼԻԵՎԸ ԽԱՂԵՐ Է ՏԱԼԻՍ․ Պուտինի առաջ արդյո՞ք կբարձրացվի այս հարցը․ Ո՞վ է նոր խաղացողը

ՌԴ նախագահ Պուտինը զանգահարել է Ալիևին և շնորհավորել նրան ծննդյան կապակցությամբ: Այդ ընթացքում համացանցում հայտնվել է պատկեր, թե Բաքվի ղեկավար Ալիևն ինչպես է պատերազմի հետևանքով իր օկուպացրած հայկական տարածքներում գետնին գցել հայատառ ցուցանակն ու կանգնել դրա վրա: Ալիևի պարագայում դա ամենևին զարմանալի պատկեր չէ՝ բազմաթիվ պատճառներով: Նա քնած մարդուն կացնահարած ոճրագործին հերոսացնող անձ է, ինչով ասված է ամեն ինչ: Հարցը այստեղ բոլորովին այլ է և առնչվում է նոյեմբերի 9-ի փաստաթղթին, դրանից բխող իրողություններին և այդ փաստաթղթի գլխավոր երաշխավոր, հովանավոր Ռուսաստանի Դաշնության նախագահ Վլադիմիր Պուտինին:
Ալիևի այդ վարքագիծը տեղավորվու՞մ է խաղաղ կյանքի կազմակերպման այն պատկերացումների շրջանակում, որ Ռուսաստանի հովանու ներքո ամրագրվել է նոյեմբերի 9-ի համաձայնությամբ, և որի մասին պարբերաբար խոսում է ՌԴ նախագահը: Այդ հարցը, սակայն, սկսում է իհարկե Հայաստանից, որի իշխանությունը պետք է բարձրացնի այդ խնդիրները ՌԴ նախագահի առաջ: Հայաստանի վարչապետը բարձրացնո՞ւմ է Ալիևի այդ պահվածքի վերաբերյալ հարցեր ՌԴ նախագահի առաջ: Սակայն սրանով իհարկե չի ավարտվում Հայաստանի «բաժինը», որովհետև նույնը վերաբերում է նաև Հայաստանի վարչապետի հրաժարականի պահանջ ներկայացնող ուժերին՝ նրանք պատրա՞ստ են նոյեմբերի 9-ի փաստաթղթի երաշխավոր ՌԴ նախագահի առաջ բարձրացնել Ալիևի հարցը: Թե՞ այդ հանգամանքը կիրառական է միայն ներքաղաքական պայքարում:

Նյութի աղբյուր՝ 1in.am

#lurer #arcax #putinaliev

Видео ԱԼԻԵՎԸ ԽԱՂԵՐ Է ՏԱԼԻՍ․ Պուտինի առաջ արդյո՞ք կբարձրացվի այս հարցը․ Ո՞վ է նոր խաղացողը канала Banber News