ԹՈւՐՔԻԱՆ ԿՀԱՐՎԱԾԻ՞ ՌՈւՍԱՍՏԱՆԻՆ․ Հայաստանը պետք է շտապի․ Կկանգնեցնի արդյո՞ք Պուտինն Էրդողանին

Թուրքիան խորացնում է ռազմական գործակցությունն Ուկրաինայի հետ: Անկարան Կիևին կտրամադրի հարվածային անօդաչուների տեխնոլոգիաներ դրանց համատեղ արտադրություն կազմակերպելու համար: Անկարա-Կիև ռազմական, ռազմա-քաղաքական և ռազմա-տեխնիկական գործակցությունը նոր թափ է հավաքել Արցախի դեմ Թուրքիայի սանձազերծած պատերազմին զուգահեռ: Ավելին, նոյեմբերի 9-ից հետո հայտնի դարձավ, որ Ադրբեջանում պատերազմին հետևել են նաև ուկրաինացի մասնագետներ, մոտ երեք տասնյակ, որոնք այնտեղ էին դեռևս հուլիսի վերջին մեկնարկած թուրք-ադրբեջանական զորավարժությանը դիտորդ լինելու պատրվակով: Անկասկած է, որ նրանք պարզապես ուսումնասիրում էին փորձը՝ սեփական շահերի և խնդիրների համատեքստում կիրառելու տեսանկյունից: Արցախի դեմ պատերազմի դադարեցումից անմիջապես հետո ռուսաստանյան ռազմական լրագրողներն ու փորձագետները սկսեցին խոսել, որ հաջորդ ուղղությունը, որով Թուրքիան կհարվածի Ռուսաստանին, կլինի Դոնբասը: Թուրքիան չի էլ թաքցնում, որ ուկրաինական ուղղությունն իր համար ռազմավարական է, իսկ Ղրիմը համարում է օսմանյան տարածք: Անկարան օղակում է Ռուսաստանը, և դա չի կարող ուշադրության արժանի չլինել Հայաստանից: Կիև-Անկարա ռազմա-տեխնիկական գործակցության խորացումը անմիջական առնչություն ունի հայկական շահերին ու անվտանգությանը: Ընդ որում, այդպես եղել է միշտ: Թյուր տպավորություն ու ընկալում է եղել, կամ կա, թե արցախյան-կովկասյան զարգացումները կարող են կտրված լինել արևելա-եվրոպականից մինչև մերձավորարևելյան ռեգիոն ձգվող խնդիրներից ու շահերի բախումից: Գործնականում, դա մի շղթա է, որի մեջտեղում է Հայաստանը, հայկական պետականությունը: Ընդ որում՝ էական չէ, թե արդյո՞ք ուկրաինական կողմը կկայացնի Ռուսաստանին ռազմական մարտահրավեր նետելու որոշում:

Նյութի աղբյուր՝ 1in.am

#lurerhayastanic #arcax #erdoxanukraina #putin #zelenski

Видео ԹՈւՐՔԻԱՆ ԿՀԱՐՎԱԾԻ՞ ՌՈւՍԱՍՏԱՆԻՆ․ Հայաստանը պետք է շտապի․ Կկանգնեցնի արդյո՞ք Պուտինն Էրդողանին канала Banber News