Вирус акыйкаты (анимациялык ролик)

Бул күнгө чейин жашоо агымынын ичинде өз жолубуз менен алга карай умтулуп бараттык! Баарыбыз коомдун таасири астында башка адамдардай эле “окуу, жумуш, үй-бүлө, достор, оюн-күлкү тамаша, соц тармактагы саякат, пайдасыз сасык саясат”-деп олтуруп убакыттын, өмүрдүн өтүп баратканын сезбей калдык. Кайда баратканыбызды да билбей калдык. Бир гана алдыга, туңгуюка карай чуркап бараттык. Кайдыгерлик көлүнө чөгүп бараттык! Натыйжада эскертүүчү “таштар” ыргытыла баштады. Кудум чектен чыгып бараткан койлорго эскертүү иретинде ыргытылган таштар сыяктуу таштар учуп келип тийип жатты бизге. Бул таштар Жер титирөө, сел, апаат, балээлер! Биз ушул жерде токтоп туруп өзүбүздөн сурадыкпы? “ЭМНЕ ҮЧҮН!?”, “Эмне үчүн бул баалээлер жаап жатат?!”
Албетте! Бир жалбыракты да уруксатсыз түшүрбөгөн Аллах, бул балээлерди жөн эле жөнөткөн жок бизге! Биздин милдет болсо бул балээлерге себеп болгон ортомчулар кимдер экен деп изилдегендин ордуна, “Эмне үчүн бул балээлерге кириптер болдук биз адамзат!”-деп ойлонуу. Себеби белгилүү!
Күнүгө беш жолу 10 мүнөттөн убакытты ошол убакытты берген Зат үчүн бөлө албадык! “Убактым жок, али жашмын”-дедик. Азыр болсо толтура убакыт пайда болду!
Ал затка ибадат кылуу үчүн жуунуу, даарат алуу оор келди! Тоготподук! Азыр болсо бүт дүйнө жүзү глобалдык деңгээлде “даарат алып” жатабыз!
Руханий кирлерден коргогон оронууга, жоолука көңүл бурбадык! 1000деген шылтоолорду айттык! Азыр болсо убагы келсе оронуп эле калаарыбызды көрдүк!
Бир жылда бир жолу ачка болууну кабыл кыла албадык, өзүбүздү аядык! Адал, арам ылгабастан озубузга келген нерсени жей бердик. Азыр болсо адал нерселерди да жегенден коркуп калдык!
Мал дүйнөбүздүн 40тан бир бөлүгүн бербей аядык. Азыр болсо зекетке берилбеген ал дүйнө колубуздан учуп чыгып жатат.
Эң башкысы, өлүмдү унуттук! Мээбизди пайдасыз нерселер менен толтуруп жатып, акыретти унутуп койдук! Ааламга батпаган текеберчилигибизди, эгобузду, менменсинүүбүздү, жеке напсисин гана ойлогон сезимдерибизди көзгө көрүнбөгөн бир микроб келип таш талканын чыгарды! Талкалап салды! Натыйжада өлүмдү эстеп, калчылдап калдык. Титиреп атабыз!
Ооба. Биз ушуну көрмөкпүз! Татыктуу болуп калган элек! Бирок башында айтылган таштардын эмне үчүн келип жаткандыгын эми сезе баштадык! Туя баштадык. Ошондуктан чыныгы милдетибизге кайтуу убактысы келип жетти! Коркпо! Бул балээнин артында Аллахтын мээримдүүлүктөрү да бар! Ушуну унутпайлы! Бул балээлер да бүтөт! Бирок ошол кезде коркуп Аллахты эстеп, жалдыраган убакыттарыбызды унутпайлы! Милдетибизди аткары тууганым!!!

Видео Вирус акыйкаты (анимациялык ролик) канала БЕЙИШ НУРУ