Ներառական կրթությունը հանրակրթական դպրոցներում

😍 Հետդպրոցյան աշխատանքները շարունակվում են։

✅ «Երիտասարդական ակտիվիզմի դպրոց»-ի մեդիայի խմբի հետդպրոցյան հերթական աշխատանքը ներառական կրթության մասին է։

📌 Ինչպես գիտենք ՀՀ Ազգային ժողովը 2014 թվականի դեկտեմբերի 1-ին ընդունել է «Հանրակրթության մասին» ՀՀ օրենքում լրացումներ և փոփոխություններ կատարելու մասին» ՀՀ օրենքը, համաձայն որի հանրակրթության համակարգում անցում է կատարվել համընդհանուր ներառական կրթության:

🥰 Ներառական կրթությունը կրթության կազմակերպման գործընթաց է, որի հիմքում բոլոր երեխաների, այդ թվում նաև` հաշմանդամություն և կրթության առանձնահատուկ պայմանների կարիք ունեցող երեխաների կրթություն ստանալու իրավունքն է։ Այն արձագանքում է բոլոր սովորողների բազմազան կարիքներին, մեծացնում է նրանց մասնակցությունը ուսումնական, մշակութային և համայնքային կյանքին և նվազեցնում է կրթությունից նրանց դուրս մնալու հավանականությունը։ Այնուամենայնիվ, ներառական կրթությունը իրենից ենթադրում է մի շարք մարտահրավերներ և ռիսկային գործոններ, որոնք պետք է հաշվի առնենք բոլորս։

🤩 «Երիտասարդական ակտիվիզմի դպրոց»-ի հետդպրոցյան աշխատանքների շրջանակներում մեր դպրոցի մասնակից երիտասարդները ունեցան հարցազրույց Շիրակի պետական համալսարանի Հասարակական գիտությունների ֆակուլտետի դասախոս՝ Քնարիկ Հովակիմյանի հետ։ Զրույցի ընթացքում Քնարիկ Հովակիմյանը խոսեց ներառական կրթության առաջ քաշած մի շարք մարտահրավերների, վերջիններիս հաղթահարման ուղիների մասին։ Նա նաև կարևորեց հասարակության ճիշտ դիրքորոշման դերը համընդհանուր ներառման գործընթացում հաջողություն գրանցելու տեսանկյունից։

✅ «Երիտասարդական ակտիվիզմի դպրոց»-ի նպատակն է Գյումրու երիտասարդական միության հզորացումը, նոր անդամների հավաքագրումը և նոր երիտասարդական համագործակցային միջավայրի ստեղծումը։
✅ Ինչպես նաև դպրոցի իրականացումը նպատակ ունի Գյումրի քաղաքի կրթական հաստատությունների երիտասարդներին ընձեռել տարատեսակ գիտելիքներ և հմտություններ, որոնք վերջիններս հետագայում նաև կիրառելու են զանազան երիտասարդական, կրթական և քաղաքացիական նախաձեռնությունների իրականացման համար։

♥ Շնորհակալություն ենք հայտնում Քնարիկ Հովակիմյանին հետաքրքիր և բովանդակալից զրույցի համար, իսկ Ձեզ մաղթում ենք հաճելի դիտում։

ԾԱՆՈՒՑՈՒՄ | Սույն հրապարակման մեջ տեղ գտած վերլուծությունները և մտքերը կարող են չհամընկնել «Ռեստարտ Գյումրի» երիտասարդական-քաղաքացիական կենտրոն ՀԿ-ի պաշտոնական դիրքորոշման և տեսակետերի հետ։

Видео Ներառական կրթությունը հանրակրթական դպրոցներում канала Restart Gyumri NGO